ژباړه: نجیب الله خان
۱- تاسو به هيڅکله هم له ماتې سره مخ نشئ، که د هغه څه لپاره وجنګېږئ، چې تاسو پرې باور لرئ.
۲- ملګرتيا د نړۍ تر ټولو سخت شی دی، که په ریښتنی مانا یې ځان پوه کړو.
۳- د کوم څه په اړه چې فکر کوئ، په راتلونکي کې هم هماغه څه درنه جوړېږي.
۴- په نړۍ کې هر څه هم غلط ندي، خو يوازې یو څه شیان دي، چې صحیح ندي.
۵- هر وخت چې هنداره کې ځانته ګورم، زه د کینټکي هغه کوچنی ماشوم ګورم، چې نوم یې کاسیوس کلي و.
۶- که د غره سرته رسیدل غواړئ، نو مجبور یاست چې په هره ډبره پورته شئ.
۷- زه د ټولو برياوو څخه خوښ یم. خو تر ټولو زیات د خپلو ناکامیو خوښ یم، ځکه چې يوازنى شی، چې زه یې سخت کار ته هڅولم،هغه ماتي خوړل وه.
۸- د لوی اتل اوسيدلو لپاره باید تاسو باور ولرئ، چې تاسو تر ټولو ښه یاست.
۹- که غواړئ چې خوبونه مو ریښتیا شي ، نو تر ټولو ښه لاره دا ده چې له همدا اوس پاڅېږئ.
۱۰- بریا په دې مانا نده، چې هر وخت کاميابه کېږئ؛ ریښتني بریا دا ده، چې د غورځیدلو وروسته پاڅېږئ.
