قلم مې واخسته غزل پرې د ځوانۍ ليکـــــمه
اشنا مې نشته يو څو کرښى بېوسۍ ليکــمه
ټوټې ټوټې زړګى مې بيا په رپېدو دى ساقي
راوړه شراب نن دغه جام دې په مستۍ ليکمه
ما هم د ښکلو په څنګل خوبونه ډېر کړي دي
کتاب د عشق به مې دښکلو په يارۍ ليکمه
کاروان د عشق مې رانه پاتى دى په نيمه لار کې
ســـــاحل ته نه رسم داستان د زندګـــــۍ ليکـــمه
زه هم د اوښکو سمندر يم له مودو راهــــــــيسې
د زړه په دښته مې ستا نوم په شهکارۍ ليکمه
(وصال)به بيا په پخوانو پلونو قدم نه ږدمه
د زړه په وينو مې پېغام د جدايى ليکمـــــه
زما نږدې دوست ضياالرحمن (سپين غر ) ته ډالۍ
محمدواصل (وصال) مرام راډيو
