ستا پــــه غېږ کي رالوي سوی مريی نه يم
چــــــي ترتا سپېلنی نه سم زلمی نه يم
کــــه بېرغ د آزادی مــــي له لاس ولوېد
هغه وخت به دا ګڼم چي ژوندی نه يم
هريو خـــــيال مي د نسيم په ميو مست دی
بې غليمه و هيچا ته ازغی نه يم
زرغونې ونې دي ډار دي ډار له ما ځا نه کړي
ځل هـــم نه يم د خزان کــــه سپرلی نه يم
که پر ځاي د ننګ مي ونه کړله توره
د آسيا د زړه منلی زمری نه يم
که پر خوږو د بل خوږ زه زيارکښ! نه سوم
بيا ډبره يم د غوښي زړګی نه يم
زيارکښ مندوخېل - ږوب
