زمونږه دود هسې دستور هسې دئ
مونږه دبل دستور منلئ نه شو
دخپلواکۍ دژوند غرور هسې دئ
دغلامۍ ژوندون کولئ نه شو
،،،،،،،،
زمونږ دګټو خټو خړ کورونه
دآزادۍ دپتنګانو ځالې
دغه په سرو وینو ککړ کورونه
دلوړو غرونو دبازانو ځالې
دغه لویدلي سوي شړ کورونه
دي دنوم ورکو شهیدانو ځالې
زمونږ تاریخ زمونږ ظهور هسې دئ
مونږه په ژوند سر ټیټولئ نه شو
،،،،،،،،،،،،،،
دانسانیت دسړیتوب حقونه
زمونږ دکلو په جرګو کې پټ دي
دبشریت دخوندیتوب حقونه
ددې په و ګړ کړواو وړوکې پټ دي
دتربیت او ژوندیتوب حقونه
په دې شډلو پرګنو کې پټ دي
زمونږژوندون زمونږ قصور هسې دئ
مونږ دوطن دوښمن بخښلې نه شو
،،،،،،،،،،،،
زمونږساده شډل بډل وګړي
دچل فریب په هنر نه پوهیږي
ځانونه وژني یو په بل وګړي
دخپل وطن په مینه ښه پوهیږي
دايو ټبر او یوګوګل وګړي
په نتیجه دبیلتون څه پوهیږي
زمونږ حجره جومات تربور هسې دئ
خیانت دورونو هم زغملئ نه شو
،،،،،،،،،،،،،
په مونږه مه تپۍ رسمونه پردي
مونږ تنګنظرجګړه غوښتونکي نه یو
له مونږه لرې کړۍ بمونه پردي
مونږ قاتلان سړي وژونکي نه یو
لنډکړۍ له مونږه تور لاسونه پردي
مونږه په بل حمله کوونکي نه یو
دخدمتګار د ټپ ناسور هسې دئ
کله چل ول هم پیژندلئ نه شو
محمدیوسف خدمتګار مزدورزوې ناروې
