د افغان روح او ايمان افغانستان دی
بدن مړ شي چې روح ووځي له تنه
د وطن واحد ساتل دين او يمان دی
څوک به غړي جلا نه کړي له بدنه
چې افغان وي د افغان يوالی غواړي
سر او مال نه د وطن په لاره تير وي
که يې وينې پرې تويږي دا پرې وياړي
هر قدم يې د خپل پلار نيکه په څير وي
هغه سر چې د وطن په مينه ژاړي
مړ به نه شي که د مرګ په پوله ګير وي
پتنګ څنګه په ډيوه سيځلی ځان دی
د وفا نارې وهي تر زنکدنه
د افغان د تن هډو کي غوښې ګوره
په سيالۍ له خپل وطنه قربانيږي
د وطن په هره تړه ګوښي ګوره
بيرغونه د غازيانو پرې رپيږي
هر بچي د لوی افغان کې نښې ګوره
دغيرت وينې يې ټول تن کې چليږي
په بري يې تل ګټلی هر ميدان دی
شاته نه دي تښتيدلي له دښمنه
چې افغان خاړپوڅې کړې په کوم ځای وي
که هر نوم پرې غليم ږدي کور د افغان دی
ژريا وروسته يې ګټلی په ايمان دی
پښتنې چې څوک روزلی په کوم ځای وي
په تاريخ کې يې ورکړی امتحان دی
دا چې نن له مونږ اشغال پښتونستان دی
زوړ دښمن رانه نيولې ده لمنه
بې ننګان د زمانې دلته پيدا شول
غواړي خرڅ پښتونستان په پوه دهليز کړي
شيطانان د زمانې رسوا رسوا شول
غواړي خرڅ خپل ګلستان په يوه دهيلز کړي
د ملت لوی دښمنان دلته پيدا شول
غواړي خرڅ دين او ايمان په يوه دهيلز کړي
خو افغان ملت ولاړ په ټينګ ايمان دی
تير به نه شي له يو کاڼي يو ويښته نه
دا چې څنګه دا چې ولې په مونږ کيږي
له بلوڅو نه ورګوره پښتونخواته
په څه ډول دسيسې مونږ ته جوړيږي
لارښوونکي د زمان مو بدناميږي
له جمال، امان، نه واخله تر نن ساته
مونږ هير کړی خپل تاريخ د تير زمان دی
ځينې ځيني دستور اخلي له دښمنه
اوس حالت دی بدل شوی د نړۍ
په يو نوي رنګ کې پورته نوی شور دی
جنګ جګړه راتپل شوې خونړۍ
هغه څوک به يې ګټي چې يو يې زور دی
دهغو به پکې ورکه شي مړۍ
دا موقع چې څوک بايلي نفاق پرې زور دی
خدمتګاره! لر او بر په دې ارمان دی
چې يو بل ته د ورورۍ ورکړي بلنه
