نوی کال مو مبارک سه
د لمريز ۱۳۸۸ کال د رارسيدو په وياړ
د خواخوږی ادبي او کلتوري ټولني د مبارکي پيغام
تر هر څه د مخه د ۱۳۸۸ لمريز کال د را رسيدو په مناسبت د خپل ځان، د خواخوږی ادبي او کلتوري ټولني د مشر تابه او ټول غړو لخوا مبارکي د افغانستان وياړلي او غمځپلي خلګو ته د هېواد دننه او د نړي په ګوټ ګوټ کې وړاندي کوم، د لوي خداي (ج) د درباره څخه نوي کال ټولو هېواد والو ته سوکاله، سمسمور او خوشحاله کال غواړم.
ګرانو هېوادوالو!
د لوي خداي (ج) به فضل يو ځل بيا سوړ ژمي تير او خپل ځاي ېي پسرلي ته پريښود. پسرلي چي د طبيعت او ژوندانه د ښکلا موسم دي چي ټول نباتات خپل د ښايست رازونه په خورا اخلاص سره د نندارچيانو پر مخ پرانيزي او بلبلان لکه پتنګان پري رقصيږي او د پسرلي د راتګ تراني واي چي د انسانانو په زړنو کي د ميني او ژوند احساس ژوندي کوي، بيده انسانانو ته نوي پيغام د ويښتيا او حرکت ورکوي.
پسرلي پر غرونو او دښتونو زرغون بخملي فرشونه غوړوي، د ځمکو کايناتو او ژوندون مالک پر دغه زرغون فرشونو باندي د خپل رحمت څاڅکي اوره وي او خپلو بندګانو ته لا د ژوند کولو زيري ورکوي.
هو!
انسانان د خداي (ج) د دغه نعمتونو د شکرانه ادا کولو ته مکلف او د چاپيريال د شينتيا لپاره دنده لري.
زموږ د ګران هېواد په تاريخ کې د نيالګي کښيښودل، د بزګرانو جشن او نوي کال لمانځنه پيړي پيړي دود دي چي په پرتمينو غونډو او ناستو کي لمانځل کيږي او لړي ېي د لرغوني اريانا مشر يما پاچا ته غزيږي، پخوا افغانانو په ډير مينه او وروري فضا کي د پسرلي هر کلي کاوه او خپل منځي اختلافات او تربګني يي په جرګو او مشورو ختمول او د سپيڅلي هيلي سره ېي د خپل هېواد په سمسورتيا او رغونه کې ګډون کاوه.
خو د دري لسيزو جګړو د غميزو او ناخوالو وروسته، د نوي اساسي قانون د تصويب سره د ولسواکي د ټينګښت او د خلګو د منتخب دولت په پايښت او په هېواد کې د لس هاو زرو بهرني پوځونه په ميشت سره سره جنګ جګړي د امن ځاي نيولي او د تاوتريخوالي لمنه ېي ورځ په ورځ پراخيږي چي جنګ جګړه د افغانستان د ستونځو د حل لاره نه ده .
ګرانو هېوادوالو!
راځي چي نوي کال د نوي هيلو او نوي نوښتونو سره پيل کړو جنګ بس کړو او د يو سوکاله خپلواک او متحد افغانستان لپاره خبرو او اترو ته تيار سو تر څو چي هيڅ افغان د افغانستان د سياسي او ټولنيز بهير څخه بي برخي پاتي نه سي .
هوســـا او سمســــــــور دي وي افغـــــانـستــــــــان
ټينګ دي وي په افغانستان کې ملي پيوستون
په درنښت
الحاج غرزي خواخوږی
د خواخواږی ادبي او کلتوري ټولني مشر
د پسرلي ترانه
خوږ پسرلی سو نوئ ژوندون سو
نسيم نڅا کړي وطن زرغون سو
بلبل ږغيږي ګل په لمسون سو
بزګر نهال سره بڼ ته راستون سو
پاڅئ ځلميانو دا وخت د کار دئ
وطن و موږ ته په انتظار دئ
په زراعت مو وطن ودان کئ
په ښو نهالانو دښت ګلستان کئ
پر علم و فن مو هر درد درمان کئ
صنعت، حرفت مو خپلواک د ځان کئ
پاڅئ ځلميانو دا وخت د کار دئ
وطن و موږ ته په انتظار دئ
هو! ژمی ولاړی نن نوبهار دئ
پونده خوښ دی زړه يې قرار دئ
بورا راغلې تور زاغ فرار دئ
شګوفه زانګي باغ په سنګار دئ
پاڅئ ځلميانو دا وخت د کار دئ
وطن و موږ ته په انتظار دئ
ملي اختر دئ د نوي کاله
(يما) څخه پاته تر دغه حاله
روح د نيکه دي وي تل خوشحاله
پښتونخواه لوړ کړې يا ذالجلاله
پاڅئ ځلميانو دا وخت د کار دئ
وطن و موږ ته په انتظار دئ
(ارواښاد استاد خواخوږی – کندهار ١-١-١٣٢٧)
