باغ به می ګلزار شي ياره ستا راتلو سره
ژوند به نوبهار شی ياره ستاراتلو سره
ياره ستا د ښکلی مخ چرته هم ثانی نشته
زړه به ځوان ماليار شی ياره ستا راتلو سره
هسی محبت چه کړی توربورا په ګل باندی
داسی به روزګار شی ياره ستا راتلو سره
زړه خو ستا د خوږ زړګی خوږ نظر په تمه دی
روغ به دی بیمار شی ياره ستا راتلو سره
ښکلی ارزوګانی دی ښکلو ارمانو نه سره
ورک به می تلوار شی یار ستا راتلو سره
ګل به خجالته وی ستا ښکلی رخسار نه بيا
لری به اغیار شی ياره ستا راتلو سره
زه خو د وفا تمه صرف د خپل اشنا نه کړم
زړه به می قرار شی ياره ستا راتلو سره
ما دی د ښایسته حسن لوړ انداز ليدلی دی
ژوند به لاله زار شی ياره ستا راتلو سره
زه په افغانی رسم يار ته تمه ، تمه يم
خلاص به انتظار شی ياره ستا راتلو سره
سميع الدين افغانی
١٧ / ١ /٢٠٠٩
