يو طوفان په ما راغلی د خپل ارمان خير مې زه غواړم
نصيب راته رقيب شو ځکه د ګريوان خير می زه غواړم
حالات دومره بدرنګ شول چې نه تورواو نه سپين ته ګوري
بوډاګان مې مري د غمه د هر يو ځوان خير مې زه غواړم
څوک مې په ملا تړي بمونه څوک مې په سر وروي
خدايه ته مې مددګار شې د هر افغان خير می زه غواړم
دا چې نن مې اوښکې د ګريوان په درشل کې ځي او راځي
ښه پوهيږم څه وکړم بيا هم د جانان خير می زه غواړم
زړه مې ترينه توردی خودغرضه خود پرسته دي هرڅوک
نن سبا خندا نه مې توبه د ايمان خير مې زه غواړم
هلمند پرديس
د اوکراين جمهوريت اديسه ښار
