ستا د قدم په سپېرو خاورو كې جنت پروت دى
ستا په ښېرو دعا كې څومره كرامت پروت دى
د زړه په وينو دې اولاد ته د ژوند لار ښودلې
ستا لارښوونه كې ريښتيا انسانيت پروت دى
چې كړي ټولنه رڼا ستا د مينې اور دى مورې
نا اهل زوى تورې تيارې كې د غفلت پروت دى
د نورو مېندو ته به تل كړي احترام په مينه
د چا په سر كې چې د مور خيال د حرمت پروت دى
هغه انسان ته خالد سر په احترام ټيټوي
د چا په زړه كې چې د مور، خور محبت پروت دى
