د کلی مینځ کی دپنجو په څوکوتله لیونی
لکه کوتره می د ورایه ولیده لیونی
د سیخکو کتار یی جوړ وه د اوربله ځینی
په یو نظر یی زړګی ویوړه د ګوګله ځینی
په سرومنګلو یی لاس تیرکړه د کاکله ځینی
په هر قدم کی لکه لښته ماتیده لیونی
لکه کوتره می د ورایه ولیده لیونی
خپلو همزولو سره وتی په چکروه نه
ښکلی موسم د پسرلی او مازیګر وه نه
د پلو لاندی پټ کاته یی په هنر وه نه
د نجنو مینځ کی لکه شمع بلیده لیونی
لکه کوتره می د ورایه ولیده لیونی
یو یی په غاړه سورکمیس ګل بخمل وه نه
په جګه پوزه د چارګل یی جلوبل وه نه
دا خوشبویی چه په ګډا تری د سنبل وه نه
په افغانی لباس کی ښکلی ښکاریده لیونی
لکه کوتره می د ورایه ولیده لیونی
