![طب ثبوت کړې؛ د روژې پنځه روغتيايي ګټې](https://rohi.af/assets/uploads/Informative Articles/ramadanBene.jpg)
د اسلام د مبارک دين درېيمه بناء روژه چې د رمضان يا هجري سپوږميږ کال په نهمه مياشت کې راځي، له عقيدوي او ديني ګټو وراېخوا، پراخه روغتيايي ګټې هم لري. دې ليکنه کې د رمضان مبارکه مياشت کې د روژې نيونې پنځه روغتيايي ګټې درته ښييو.
۱- د دماغو وده او غښتلتيا
بې له شکه چې تاسو به په دې پوه شئ چې روژه ستاسو په ذهني هوساینې او روحي تمرکز باندې مثبت اغیز لري؛ پر مغزو د روژې اغېز دومره لوړ او ښه دی، چې ښايي تاسې يې په اړه فکر هم ونه شی کړی. په متحده ایالاتو کې د ساینس پوهانو لخوا ترسره شوې یوې څیړنې موندلې چې د روژې په میاشت کې ترلاسه شوی ذهني تمرکز د دماغو څخه ترلاسه شوي نیوروټروفیک فکتور کچه ډیروي چې بدن د دماغي حجرو ډیر تولید لامل کیږي، پدې توګه روژه کې د دماغ فعالیت ښه کيږي.
۲- د ځينو عادتونو پرېښودل
غوړ، خواږه او سګرېټ هغه څېزونه دي، چې له امله يې وجود کې نورې ناروغۍ پيدا کيږي. د روژې مبارکه مياشت کې د غوړو، خواږو او ورته نورو خوراکونو اندازه کمېږي او همدا ډول د ورځې په جريان کې سګرېت نه څګول کيږي. د دغه پورته څيزونو لنډمهاله پرېښوودل هم سبب کيږي، چې وجود کې د دوی له امله د رامنځته شويو ناروغيو کچه ټيټه او تر کننټرول لاندې ونېول شي.
۳- د کولیسټرول ټیټېدل
څېړنو ښوودلې ده چې د رمضان مياشت کې دېرش ورځې روژه نېول وجود کې کولیسټرول ټیټوي. وينه کې د کولیسټرول کچې ټېټېدل د وزن د کمېدو سبب هم کېږي. هر کله چې وينه کې کولیسټرول ټيټ شي نو د زړه ناروغيو او د وينې لوړ فشار مخه نېول کېږي. د تجربو پر بنسټ، د وينې د کولیسټرول ټېټېدو تر ټولو ښه وخت د رمضان مبارک مياشت کې روژه نېول دي.
۴- اشتها برابريږي
دېر کسان او په ځانګړي ډول ځوانان د اشتها د خرابېدو او ګډوډۍ شکايت کوي. له روژې وړاندې د دوی غذايي رژيم برابر نه وي. د سهار چای نه څښل او پر ځای يې د ورځې جریان کې ګازي مشروبات، بسکېټ او د نورو څېزونو خوراک لامل کيږي، چې اشتها يې ګډوډه شي. د روژې په مياشت کې غذايي رژيم سميږي او د بې اشتهايۍ يا د اشتها د خرابۍ ستونزه حليږي.
۵- له وجود زهر پاکيږي
د روژې مياشتې دننه له وجود زهري مواد پاکيږي. له سهار بيا تر ماښامه د خوراک نه کول سبب کيږي، چې وجود د استراحت په يو پړاو کې وساتي. دې سره د هاضمي سېسټم داسې کار کوي، چې وجود کې ټول شوي زهري مواد پاک او لېرې کړي.