۳۱ ماده: قضايي خونديتوب:
۱- ډېپلماټيک مامور په منونکي دولت کې قضايي او جزايي خوندېتوب لري. همدا ډول ډېپلماټيک مامور مدني او اداري خونديتوب لري خو په لاندې برخو کې:
الف: د هغه نه لېږدېدونکي شخصي مال (مال غير منقول) په اړه دعوه چې د منونکي دولت په ساحه کې وي خو ډېپلماټيک مامور استازوالۍ ته لېږدولی او د استازوالۍ په چارو کې يې ترې ګټه اخېستې وي.
ب- د ماترکې په اړه دعوه چې هغه کې ډېپلماټيک مامور په شخصي ډول نه د لېږونکي دولت د وصي، د ماترکې د ساتونکي، وارث او موصي په ډول وي.
ج- د هر هغه حرفوي او سوداګريز فعاليت په اړه دعوه چې ډېپلماټيک مامور يې په منونکي دولت کې په شخصي ډول کوي او په استازوالۍ پوري کوم تړاو ونه لري.
۲- ډېپلماټيک مامور د شهادت پر ورکړې اړ نه دی.
۳- ډېپلماټيک مامور په هېڅ صورت کې له اجرايي مبادرت سره نه مخ کيږي، پرته له هغه صورت څخه چې د همدې مادې په الف، ب او ج برخو کې يې يادونه شوې ده.
۴- قضايي خوندېتوب په منونکي دولت کې ډېپلماټيک مامور له قضايي څار څخه نه شي خوندي کولی.
۳۲- ماده: له خونديتوب څخه تېرېدنه
۱- لېږونکی دولت کولی شي چېله خپلو ډېپلماټيکو مامورانو او هغه کسانو څخه چې په ۳۷مه ماده کې خوندېتوب ورکړل شوی دی؛ خوندېتوب يا مصونيت بېرته واخلي.
۲- خونديتوب اخېستنه هر وخت بايد څرګنده وي.
۳- که چېرې ډېپلماټيک مامور يا هغه کسان چې په ۳۷مه ماده کې خونديتوب لرونکي بلل شوي دي، متقابله دعوه وکړي او دغه دعوه يې له اصلي دعوې سره تړاو ولري، دعوه يې نه منل کيږي.
۳۳ ماده: له ټولنيزو بيمو بخښل کېدل:
۱- ډېپلماټيک مامور د هغه چارو د تر سره کولو له امله چې بعه منونکي دولت کې يې د خپل دولت لپاره تر سره کوي او پر يادو چارو د منونکي دولت له خوا بيمه شتون ولري، ډېپلماټيک مامور له دې ډول بيمې ورکړې څخه معاف دی.
۲- د همدې مادې په لومړۍ برخه کې د ډېپلماټيک مامور شخصي چوپړ کوونکي هم د بيمې له ورکړې څخه معاف دي، خو په لاندې شرطونو:
الف: د منونکي دولت وګړي نه وي او يا دا چې په منونکي دولت کې دايمي استوګنه ونه لري- او
ب- د لېږونکي يا درېيم دولت د ټولنيزو بيمو په اصول کې شامل وي.
۳- ډېپلماټيک مامور بايد د خپلو هغه شخصي چوپړکوونکو په اړه چې د همدې مادې په دويمه برخه کې نه شامېليږي، د ټولينزې بيمې اړوند مسايل چې منونکی دولت يې پر ټاکي په پام کې ونېسي.
۴- د همدې مادې په لومړۍ او دويمه فقره کې د بيمې څخه بخښل، که چېرې په خوښۍ او ګټې لپاره وي منونکي دولت ته د ټولنيزې بيمې د ورکړې برخه کې خنډ نه شي کېدلی.
۵- دغه ماده د ټولنيزې بيمې په اړه پخواني او په راتلونکي کې دوه اړخيزې او څو اړخيزې هوکړې له منځه نه شي وړلی او ورته خنډ نه دی.
۳۴ ماده: له مالیاتو څخه معافول
ډېپلماټيک مامور له هر ډول ماليې ورکړې هغه که دولت ته وي، ښاري چوپړونو په اړه وي، شخصي وي او که د نورو خدمتونو لپاره، مګر په لاندې شرايطو:
الف- غير مستقيمې ماليې چې د شي او مال په بيه کې شاملې وي.
ب- له هغه شخصي غير منقول مال څخه ماليه اخېستل کيږي، چې د منونکي دولت په خاوره کې وي او ډېپلماټيک مامور مامور يې د استازولۍ د چارو لپاره نه استفاده کوي.
ج- د ۳۹ مادې څلورمې فقرې لاندې هغه ماليې چې منونکی دولت يې اخلي.
د- د ډېپلماټيک مامور له هغه پيسو څخه چې په شخصي ډول يې په بانکونو کې اېښي دي او همدا ډول له شخصي عوايد يې ماليه اخېستل کيږي.
ه – له هغه کار او د لاس مزدورۍ څخه ماليه چې د ځانګړو چوپړونو څخه لاس ته راځي.
۳۵ ماده: له شخصي او عمومي چوپړونو معاف کېدل:
منونکی دولت ډېپلماټيک مامور له ټولو دولتي اجباري چارو او پوځي چوپړونو څخه معاف کوي.
