د Logic انګلېسي کلمه د لاتيني ژبې له logike کلمې اخېستل شوې ده چې مانا یې د دليل ويلو هنر دی. پښتو کې ورته سولپوهنه وايي. د منطق تعريف داسې کولی شو: د سم دليل ويلو علم او هنر ته منطق يا Logic وايي. د منطق ويلو موخه دا ده چې ناسم دليل له سم دليل جدا کړو.
د منطق يا Logic مهمې برخې:
- فرضيه Premise: دا د منطق هغه برخه ده چې ستاسې د خبرو په اړه شوهد او دليلونه وړاندې کوي ترڅو سمې یې ثبوت کړي.
- استنباط Inference: دې برخه کې هغه جملې راځي چې د پاس يا فرضيې جملې ثبوت کوي خو د جملو بڼه نه وي.
- پايله يا Conclusion: د فرضيې او استنباط له يوځای کېدو وروسته راغلی حاصل د منطق پايله ده.
دغه بېلګه کې د قرضيې، استنباط او پايلې جملې په دې ډول ويل شوي دي؛ ۱- کابل د افغانستان پلازمېنه ده؛ د افغانستان ولسمشر په ارګ کې وسي؛ ارګ په کابل کې دی (فرضيه). پورته داسې نه دي ويل شوي چې ولسمشر کابل کې وسي، خو د استنباط په برخه کې دا په ډاګه کيږي، چې د افغانستان ولسمشر کابل کې وسي. ۲- دا چې ارګ په کابل کې شتون لري او ولسمشر په ارګ کې وسي، نو مانا دا چې ولسمشر په کابل کې وسي. ۳- پايله دا شوه چې د افغانستان ولسمشر د افغانستان پلازمېنه کې وسي.
