روهي (دوه نۍ/۱۶ د چنګاښ)، د سمنګان ولايتي روغتون کې تېره شپه يو ناروغ چې په کرونا ويروس ککړ ومړ او قهرېدلي خپلوانو يې ډاکټرانو او نرسانو سره فزيکي شخړه کړې ده.
د مړ شوي ناروغ خپلوانو او د کرونيو غړو ادعا کړي چې د روغتون روغتيايي پرسونل يې د ناروغ په اړه بې پروايۍ کړې ده او ناروغ يې له لاسه ورکړ.
د سمنګان ولايت د عامې روغتيا رئيس د پېښې پخلی کړی او ويلي دي چې دېر تنه ډاکټران او يو نرس وهل شوي دي.
د سمنګان ولايت د پوليسو وياند منير رحيمي هم پېښه مني او ويلي دي چې د مړ شوي ناروغ د کورنۍ غړي او خپلوان چې فزيکي تاوتريخوالی يې کړی د پوليسو له خوا نېول شوي دي.
ناروغ لرونکي د هېواد په ډېری ولايتونو کې او روغتونونو کې شکايت کوي چې شته روغتياپالان يې د ناروغانو په اړه بې پروايي کوي او د کرکې په سترګه ورته ګوري.
