روهي (درې نۍ/۱۰ د چنګاښ)، د پکتيا ولايت په ډنډپټان ولسوالۍ کې د منګلو او خروټو قومونو ترمنځ نښته شوې ده چې مرګ - ژوبله لري. نښته د دغه دړه قومونو ترمنځ د غره او ځمکې پر سر شوې ده.
دغه نښته چې د ډنډپټان ولسوالۍ په سربدالي نومي سيمه کې شوې ده چې اووه کسان په کې وژل شوي او يو شمېر نور په کې ټپيان شوي دي.
د پکتيا چارسمبال والي عبدالولي سهي د نښتې د تائيد ترڅنګ ازادۍ راډيو ته ويلي دي، "د متخاصمو قومونو ترمنځ جګړه شوې ده. ولسوالۍ ته مو دنده سپارلې ده. موږ تل په داسې حالاتو کې چې قومي مسایل دي د قومونو د سپین ږیرو او مشرانو په مشوره او ملګرتیا عمل کوو."
دغه دوه قومونه له تېرو څو کالونو راهيسې ډنډپټان ولسوالۍ کې د غر پر سر سره دعوا لري چې ځيني وخت د يو او بل پر وړاندې سره سنګرونه نيسي.
