Rohi.AF :: نړۍ کې د کرونا ويروس د مړو او ککړو کسانو د نن ورځې وروستۍ شمېرې

نړۍ کې د کرونا ويروس د مړو او ککړو کسانو د نن ورځې وروستۍ شمېرې

روهي (څلورنۍ/۱۷ د غوايي)، د جان هاپکنز پوهنتون د وروستيو شمېر پر اساس نړۍ کې د کرونا ويروس د ککړو کسانو شمېر ۳۶۶۲۶۹۱ کسانو ته ورسېد او همدا ډول تر يو مېلېون او دوه لکه کسان له درملنې وروسته جوړ شوي دي.

د مړينې شمېرې ښيي چې ټوله نړۍ کې ۲۵۷۲۳۹ کسان د دغه ويروس له امله مړه شوي دي چې تر ډېر په امريکا متحدو ايالتو او همدا ډول اروپا لويه وچه کې دي.

د امريکا متحد ايالتو کې د مړينې او ککړو کسانو شمېرې تر ټولو پورته دي. تر نن ورځې ياد هېواد کې د ککړو کسانو شمېر ۱۲۰۴۳۵۱ او د مړو شمېر يې ۷۱۰۶۴ کسانو ته رسيږي. تر اوسه ۱۸۹۷۹۱ کسان په متحدو ايالتو کې له درملنې وروسته له دغه وژونکي ويروس رغېدلي دي.