.jpg)
روهي (څلورنۍ/۱۰ د غوايي)، د ننګرهار ولايت مقام رسنيو دفتر په يوې خبر پاڼې کې ويل شوي دي چې د صغير په نوم د طالبانو روزل شوی يو کس يې د ځانمرګي بريد لپاره جوړ شوي واسکټ سره يوځای نېولی دی.
خبرپاڼه کې ويل شوي دي چې ياد کس د دوربابا ولسوالۍ اړوند سيمه کې د ملي امنيت ځواکونو له خوا نېول شوی. دغه کس ته دنده سپارل شوې وه چې ياد واسکټ د شينوارو ۲۷مې ويالې نومي سيمې ته يوسي.
ياده خبرپاڼه د نېول شوي کس اصلي استوګن ځای د ننګرهار شېنوارو ولسوالي ښوودل شوې ده، او ويل شوي دي د په لومړيو پوښتنو کې يې پر خپل دغه کار اعتذاف هم کړی دی.
