۱- آيا پر کاغذي او فلزي پيسو کرونا ويروس پاتې کيږي او د لېږد لامل يې کېدای شي؟
ځواب: تر اوسه په دې اړه د (هو) او يا هم (نه) ځانګړی ځواب نشته، خو دا چې پیسې د څو کسانو له لاسه تيريږي نو لازمه ده چې پيسو سره د تماس وروسته مو لاسونه په اوب او صابون ومېنځئ. هر کله مو چې پيسې په لاس کې نېولې وي نو بيا لاس خولې، پوزې او سترګو ته مه وړئ.
۲- د کرونا ويروس د مخنيوي لپاره ميوې او شنه (سبزۍ) بايد څنګه ومېنځل شي؟
ځواب: مخکې له دې چې ميوه او سبزي ومېنځی نو لومړی خپل لاسونه په صابون سره ومېنځئ او بيا د تېر په څېر يوازې په پاکو اوبو سره ميوه او سبزۍ ومېنځئ.
۳- آيا آنتي بیوټیک درمل کرونا ويروس له منځه وړی شي؟
ځواب: نه، هېڅکله نه. آنتي بیوټیک درمل يوازې د مضرو بکترياوو لپاره کار کوي او ويروسونه له منځه نه شي وړی. کرونا يا کوېډ-۱۹ ويروس دی چې آنتي بیوټیک پرې اغېز نه شي کولی.
۴- آيا کرونا ويروس واکسين او يا کوم درمل لري؟
ځواب: نه، تر اوسه واکسين او درمل شتون نه لري. د کرونا ويروس ضد واکسين او درملو برخه کې يې کار وران دی او څېړنې کيږي. د کرونا ويروس د خلاصون اسانه لار دا ده چې يو متر واټن وساتئ، لاسونه ورځ کې ځو ځلې په صابون او اوبو سره ومېنځئ، د ټوخي او پرنجي پر مهال په خوله پټه کړئ.
۵- آيا د کرونا ويروس په اړه بايد اندېښنه ولرو؟
ځواب: کرونا ويروس يو ملايمه ناروغي ده. يوازې په هرو پنځو کسانو کې يو کس چې په کرونا ککړ وي بېړني وضعيت ته ځي. خلک بايد کرونا ويروس د اندېښنو پر ځای وقايي لارې پلې او پام کې ونېسي.
