روهي (جمعه/۱۸ د سلواغې)، د کابل ښار نوې کارتې (کارته نو) سيمه کې وسله والو غلو د شعیب به نوم يو ۲۱ کلن ځوان په ډزو وژلی او تښتېدلي دي.
د شعیب کورنۍ وايي چې نوموړی تازه له ښوونځي فارغ شوی وو او هغه مهال چې له ښوونځي د فوټبال لوبې ته تلو په لار کې ناپېژنده کسانو د خپلو شته وسايلو په پار وژلی دی.
د نوموړي کورنۍ له حکومت غواړي چې د شعیب وژونکي پيدا او سزا ورکړي. له تېرو څو مياشتو کابل کې د جنايي پېښو ګراف لوړ شوی چې د خلکو ورځنی ژوند يې په اندښنو کې اچولی دی.
