روهي(درې نۍ/۸ د سلواغی)، بیلې اتلس کلنې الیش ته د غوره البوم، غوره سندرې، غوره نوې سندرغاړې او د سندرې د ښه ریکارډ جایزې ورکړل شوي دي. په دې سره ایلیش تر ټولو هغه کوچنۍ سندرغاړې شوه چې دا جایزه تر لاسه کوي او د ټایلر سویفټ ځای یې ونیوه چې له دې وړاندې د دې هنري جایزې تر ټوله کم عمره ګټونکې وه.
بیلې ایلیش امریکایۍ پاپ سندرغاړې د ۲۰۲۰ کال د ګرامې پنځه جایزې تر لاسه کړې. د جایزې د وېش مراسم د امریکا په لاس انجلس ښار کې پرون جوړ شوی و او په پیل کې یې د امریکا د باسکټبال وتلی ستوری کوبي برایانټ ته درناوی وشو.
بلې سندرغاړې لیزو درې جایزې وګټلې چې یوه یې د رښتینې زړونو په نوم سندرې لپاره وه. دا جایزه د یو کس له خوا ویل شوې غوره سندرې ته ورکول کېږي.ګرامې موسیقي جایزه په ۱۹۵۹ کال کې رامنځته شوې او په امریکا یوه لویو څلورو پام وړ جایزو ګڼل کېږي.
