تیره اوونې په نوي ډیلی کې دافغانو زده کوونکو ټاکنې ترسره شوې ، دافغان محصلینو په دغو ټاکنوکې نژدې څلورو تنو ځانونه کاندید کړي وو ، ټاکنې په خورا ازاده او دموکراتیکه فضاکې ترسره شوې ، او نژدې دریو سوو محصلینو له دریو پوهنتونو ( ډیلی پوهنتون ، جواهرلال نهرو پوهنتون او جامعه ملیه پوهنتون ) برخه اخیستې وه . له اوږدې مودې وروسته په هند کې دمحصلینو دغه شان آزادې ټاکنې ترسره شوې ، سره له دې چې یوشمیر کسانو دهغو دګډولو له پاره خپلې ناوړې هڅې ترسره کړې خو ګټه یې ونه کړه ، ټاکنو دیوه دموکراتیک دود په شان خپله لاره ومونده او افغان ځوانانو په پوره وړ
تیا سره دخپل رسالت له مخې خپلو کاندیدانو ته رایی ورکړې چې د رایو په پایله کې د ډیلی پوهنتون دسیاسی زده کړو محصل ښاغلی هیلمند درایو په اکثریت سره د محصلینو د اتحادیې دمشر په توګه وړونکی شو. دځوانو محصلینو له پاره ددموکراسۍ دبنسټونو د زده کړې له پاره دداسې ټاکنو ترسره کول دافغانانو د راتلونکو ځوانانو له پاره خورا زیات اهمیت لری او هیله ده چې دغه دود له دې وروسته افغانستان ته هم دهمدغو ځوانانو له خوا ولیږ دول شي .
دښاغلی هیلمند د لابریو په هیله
کابلی والا نوی ډیلی
