څوموده دمخه زموږ په ويب پاڼه کې دښاغلي روح الله وردګ يورالېږل شوی مطلب ، چې دخوست وﻻيت دټلويزيون اوکارکوونکوپه هکله يې څرګندونې کړې وې خپورشو . دغه مطلب زموږ له خواځکه نشرشو ، چې موږفکرکولوديوبل وﻻيت اوسيدونکی دخوست وﻻيت سره دهمدردۍ اوسمونتيادرامنځته کولوپه موخه ، ددغه وﻻيت دټلويزيون دخپرونو اوکارکوونکوپه هکله خپل نظروړاندې کړی . وروسته بيادخوست وﻻيت نه دښاغلي اسدپکتياوال له خواپه غبرګون کې يوځوابيه ليک راواستول شواو ادعايې درلوده ، چې روح الله وردګ يومستعارنوم دی اوليکلی مطلب يې دشخصي عقدوله مخې ليکلی اوله حقيقت نه ليرې خبرې يې ليکلي . همدارازيې دخوست وﻻيت دټلويزيون دکارکوونکو دزده کړو په هکله يې پوره معلومات راليږلي وو . ښاغلو ، څرنګه چې دروهي ويب پاڼې ادارې زياتره کارکوونکي دمساپرۍ شپې ورځې سباکوي اودځينوموضوعاتوپه هکله دپلټنوامکانات نه لرو اوله بلې خوازموږ په ګران هېواد افغانستان کې هم داسې حاﻻت دي ، چې پښتنوفرهنګيانوته نه ښايي ديوبل په ټکولوانرژي اووخت ضايع کړي . له همدې امله موږ غوره وبلله ، چې په پاڼه کې ددواړه خواوو ليکل شوي مطالبو پرځای موږ څوکرښې تاسوته وړاندې کړو : _ زموږ په انددخوست ټلويزيون دخپرونوښه هنداره په خپله دخوست اوسيدونکي دي نه ديودوه کسانونظريات ، که چېرې دخوست خلک ستاسو خپرونې خوښوي نوتاسې بريالي ياست اوخدای موبريالي لره دخلاف په صورت کې که څوک نيوکه کوي نوبايدپه دې مانا نه وي ، چې زموږدښمن دی ؛ _ يوه بله دپاملرنې وړ موضوع دزده کړو ده ، چې په ليکنوکې يې يادونه شوې وه . زموږپه انديوازې ليکل شوي اوټاپه شوي کاغذونه مهم نه دي ، مهمه داده ، چې څوک څومره دکاروړيتا لري . په افغانستان کې دداسې کسانوبېلګې زياتې دي ، چې لوړې زده کړې يې نه دې کړي لېکن ډېرزيات اثار اوښې لېکنې لري اودهېواد نامتوشخصيتونه دي . په اخرکې له تاسونه زموږهيله دا ده ، چې دې موضوع ته په همدې ځای دپای ټکی کېږدی اويوبل ته دورورۍ ﻻس ورکړی اودنېکمرغه راتلونکې دجوړولوپه هکله سره هملاري اوهم غږي شئ ! ستاسولېکنو ته سترګې په ﻻريوو اوهيله ده ، چې موږ هېرنه کړئ ! خوشاله اونېکمرغه اوسئ دروهي ويب پاڼې اداره
