بيا په کوم لورې په کوم خوا لاړې
بيا د کوم سولې په سودا لاړې
اې دوطن اې ملالې شهزادګۍ
د کوم ماتم په وير ژړا لاړې
نه دې ټپۍ شته نه د مينې کيسی
د کوم سنګر په تماشا لاړې
د ازاد په نوم سرود دې نشته
بيا د کوم ننګ په کربلا لاړې
مټۍ را ونغاړه بنګړي شرنګوه
په کې يادونه د لالي شرنګوه
په وطن ننګ اواز او ژغ پورته کړه
بيا يوه ملاله شه بيرغ پورته کړ
جرګه مارنو ته جرګي يادوه
د سولې غږ شه تراني يادوه
غواړم لنډۍ ټپۍ دې بيا واورم
دغيرت چغه په خندا واورم
زما د مينې نغمه ګر شاعرې
دحسين خيل اې انځورګر شاعرې
