د تورکیی هیواد او خلک له افغانستان سره هر اړخیزی اړیکی لری.
تورکانو ملګرتیا د افغانستان لپاره تل مفیده او ګټوره تمامه شویده.
تورکانو د اول ځل لپاره په افغانستان کی د طب پوهنځی جوړ کړ چی وروسته د همدی پوهنځی په اساس دکابل پوهنتون جوړ شو. تورکیی خپل استادان او ډاکتران او نظامی مشاورین افغانستان ته راولیږل ترڅو د امانی دوری په نهضت کی برخه واخلی.
د علی آباد روغتون د سناتوریم روغتون د ماشومانو د اتاتورک روغتون دتورکانو په مرسته په افغانستان کی جوړشویدی.
په اوس وخت کی د افغان – تورک ښوونځی د تورکانو غیر دولتی موسسی پرمخ بیایی. تورکیی د حامدکرزی د واکمنی په وخت کی لومړی پنځه میلیونه او بیا لس او وروسته سل میلیونه اقتصادی مرسته وکړه. زمونږ د جګړی ټپیان یی په خپل هیواد کی تداوی کړل.
د افغانستان اردو تقریبا 60 کاله د همدی ترکی استادانو له خوا روزل کیدله او په تورکیه کی هیڅ روزل شوی افسر په افغانستان کی کودتا نه ده کړی،
کله چی د افغانستان او ایران ترمنځ د اعلیضرت محمدظاهرشاه د واکمنی په دوره کی سرحدی لانجی را پیدا شوی او ایران زمونږ د هرات ، فراه او نیمروز په ولایتونو سرحدی دعوه وکړه ، تورکیی خپل منځګړیتوب اعلان کړ او جنرال فخرالدین التایی یی په 1934 کی افغانستان را واستاوو چی د دواړو هیوادونو ترمنځ یی پوله چی دواړو لوریو ته د منلو وړ وه معلومه کړه او نن مونږ له ایران سره 935 کیلومتره پوله لرو چی تر ډیره د همدی تورکی جنرال په نوم یادیږی او الحمدالله په دی خط کی ډیر کم اختلاف پیدا شوی دی.
د تورکیی دولت چی هم په اسلامی کنفرانس کی غړیتوب لری او هم د ناتو یو مهم اسلامی غړی دی ، ترخپله وسه د عربو او اسراییلو ترمنځ د جګړی ختمولو لپاره کوششونه کړی دی. البته هر هیواد خپلی ګټی لری . تورکان هوښیار خلک دی او دوی زمونږ ملاصاحبانو په شان نه غواړی د یوی سپږی لپاره ټول افغانستان ته اور واچوی. د د رجب طیب اردوغان په دوره کی تورکیه د اقتصادی له لحاظه د نړۍ 16 طاقت شو چی که همداسی اقتصادی ثبات موجود وونو تورکیه به تر 2025 کال پوری د نړۍ لسم اقتصادی ځواک شی .
تورکیه تل له افغانستان سره ښی دوستانه اړیکی درلودلی دی . افغانستان ته تورکیه هم په سیاسی لحاظ او هم په اقتصادی لحاظ ډیر اهمیت لری. مونږ افغانانو او خصوصا پښتنو ته په نړۍ کی یواځی تورکیه او کله کله هند د ښو ملګرو په توګه پاته شوی دی. زه هیله من یم چی زمونږ راتلونکی مشران له تورکیی سره همداسی د ملګرتیا اړیکو ته دوام ورکړی. حضرت سهاک
