په دې وروستيو ورځو کې د ا ، م ، ګ کنګره جوړه شوه .په کنګره کې د افغانستان په سياسي ، اقتصادي او پوځې وضعې ، د هېواد جمهوري رياست او پارلمان ته د ټاکنو اوپه ګوند کې د يو لړ تشکېلاتي مسالو په هکله دقېق او ژور بحث وشو او په پاييله کې يو شمېر مهم تصمېمونه ونېول شول .
د ګوندي کنګري ګډون کوونکو د هېواد سياسي ، پوځي وضعه د انديښنې وړ وارزوله او په اقتصادي او ټولنېز لحاظ يې افغانستان د سترو چلنجونو سره مخامخ و باله . د دې ټولو پېښو شوو ستونزو اساسي علتونه يې په دولتي اداره کې د سرساموونکې فساد شتوالی ، د کورنېو او بهرنې څرګندو کړيو له خوا بنسټپالني ته وده ورکول ، د ګاونډيو هېوادو او يو لړ معلوم الحاله نړيوالوکړيو لاسوهنه ، د مخدره موادو بېدريغه زياتېدل ، د اقتصادي او ټولنېزو ښېګڼو د پلانونو نه عملي کېدل ، د نړيوالي ټولني له خوا د هېواد د اوسني بهېر د بر يالي کولو په وړاندې بې اعتنايي کېدل ، په پوځي برخه کې د عملياتو په ترځ کې ملکي وګړو ته بې ځايه مرګ او مېر رسول او نور په ګوته کړل .
د ا ، م ، ګ کنګري دګوندي سازمانونو او ګوندي غړو په وړاندي ، د موجود کړکېچن حالت د را مېنځته کوونکو ، د کورنېو او نړيوالو عاملينو د افشاکولو او د قانون منګولو ته د هغوي د سپارلو لپاره د جدو جهد جاري ساتلو دندي کېښودلي .
کنګري د ا ، م ، ګ مرکزي شورا او اجراييه شورا ته دنده و سپارله چې د کنګري له خوا دټاکلو سپارښتونو سره سم د جمهوري رياست او پارلمان لپاره د ټاکنو مسالي د افغانستان د ملي دموکرات جبهي سره د مشورو وروسته نهايې کړي او د هغې اجرا ته دې ګوندي سازمانونه وګماري .
کنګري په تشکېلاتي برخه کې د ګوند نوي مرکزي شورا د يوشپېتو تنو په ترکېب د رايو په اکثريت وټاکله . رايې اچونې په پټه توګه ترسره شوي . د مرکزي شورا په لمړۍ غونډه کې په داسې حال کې چې د ملي ګوند د مرکزي شورا پخوانۍ ريس محترم عبدالرشېد ارين ددندي څخه په خپله خوښه ګوښه شو محترم عبدالحی مالک چې لوړي زده کړي يې د کابل پوهنتون کې کړي او د يو ځوان په صفت د سياسي کار اوږده او پخه تجربه لري د رايو په غټ اکثريت د ملي ګوند د مرکزي شورا د ريس په توګه و ټاکل شو. مرکزي شورا محترم عبدالرشېد ارين د هغو خدمتونو له امله چې د ګوند د جوړيدو د ورځې څخه تر اوسه کړي او په خپله خوښه د ګوندي عالي مقام نه په ګوښه کېدو سره يې له ځانه د سياسي عالي کلتور د لرلو ښه بيلګه ګوند ته په مېراث پريښوده وستايه او هغه ته يې د ملي ګوند د افتخاري ريس د لرلو وياړ ورکړ .
مرکزي شورا عبدالرحمن صدري چې د لوړو زده کړو خاوند دی او د مخابراتو په وزارت کې د ريس په دنده کارکوي دلمړي مرستيال او سېد محمد ټېنګار چې د کابل پوهنتون د اقتصاد پوهنځې استاذ دی او په اقتصاد کې دکتورا لري د مرکزي شورا د مرستيال په توګه د رايو په اکثريت وټاکل .
مرکزي شورا شاه سلطان اکفې ، اصف جهش او استاد محراب صمدي چې دري واړه د عالي زده کړو خاوندان دي د ګوند د دارالانشا د غړو په توګه د رايو په اکثريت انتخاب کړل .
ګوندي کنګره چې نږدي ددوه سوه تنو استازو په ګډون جوړه شوي وه او د افغاني ځواني دموکراسۍيوه په زړه پورې بېلګه يې وړاندې کړه د تودو خبرو اترو کولو او مهمو تصمېمونو نېولو وروسته پاي ته ورسېده .
د کنګري بشپړ رپوټ ښايې وروسته وړاندي شي .
پای
د ا ، م ، ګ د اروپا شورا
