جرمني ــ د کولن ښار :
په ډېره خواشینۍ سره مو
خبر تر لاسه کړ ، چې دروند ، خوږ ژبی ، په هېواد مین ، فرهنګپال او د وخت د اطلاعاتو او کلتور وزارت پخوانی
کارکوونکی احمدشاه باوري د ورپېښې شوې ناروغۍ له امله ددې فاني
نړۍ څخه د آبد لپاره سترګې پټې کړې .
اناالله و انا اليه راجعون .
خدای بخښلي باوري نه
یواځې د هېواد په دننه کې په ډېره ایماندارۍ ، صداقت او پاکۍ سره د کار پر
مهال ډېر او د یادولو وړ
کارونه تر سره کړي دي ، بلکه
کله ، چې د هېواد د ناخوالو له لاسه د خپل
ټاټوبی پرېښودو
ته اړ او په
المان کې استوګڼ شو ، د
ژوند تر وروستۍ سلګۍ پورې په جرمني کې د میشتو افغانانو په چوپړ کې و
. احمدشاه باوري د خپل کلتور او فرهنګ د ژوندي ساتلو او پرمختګ په موخه په
جرمني کې ( د افغانستان د کلتوري ودې ټولنې ) په جوړېدو
کې ونډه درلوده او یو ددغه ټولنې د بنسټ
ایښودونکو ځینې و.
مونږ په داسې حال کې چې ، د ارواښاد په مړینه ژور خپګان ښکاره
کوو،او د کورنۍ د غړو سره یې په
دې ستر غم کې ځان شریک بولو . د لوی
څښتن تعالی له دربار نه د ارواښاد
روح ته جنت فردوس او د کورنۍ غړو او خپلوانو ته یې جمیل صبر غواړو .
په جرمني کې د
افغانستان د کلتوري ودې ټولنې
د مشرتابه جرګه نېټه
: ۹ ، ۲ ¸ ۲۰۱۴ ز کال
