د خيال په شپه كې ساتمه سپوږمۍ غوندې غزل
روڼ غوندې ښـــايسته غوندې جلۍ غوندې غزل
يو څـــــــــــو شـــــــــــډل لــفظونه سره وپييم په مينه
د غره لمن كې جوړه كـــــــــړم كېږدۍ غوندې غزل
چې تنده د ســــــــــــــازونو او نغمو كړمه پرې ماته
پر شـــــــونډو باندې واخلمه شپېلۍ غوندې غزل
ســاده تورو كې ونغاړم رنګين غوندې ښـــايست
انځور كـــــــړمه ګلـــــپاڼو كې غوټۍ غوندې غزل
احساس د شــاعرۍ مې شي ملګرى پسې لاړ شم
د قاف له غــــره نه راوړم ښـــــــاپېرۍ غوندې غزل
