د قره قل اوچپنی مشر لاس ته راوړنی ( شپږمه برخه)

 منصور احمد زی       

    ۳۰/۰۶/۲۰۱۲ دشرک نه وروسته لویه ګنا ه انسا ن ته ضرر رسول دی غربی سیاست پوهان وایی چه افغانستان نشی کولای په بیه واخلی مګر په اسانی سره دپیسو او منصب په وسیله غلام کولی شی  .    دا حقیقت او واقعیت نن په سترګووینو .  حامد کرزی (دارګ چپن دار) په خبرو کی ډیر چټک په عمل کی ډیر پڅ  په سازشونواو مصلحتونو کی ریکارډ لری دکرزی خبری دا هغه کیسی دی چه ملت بار بار اورید لی اود باور وړ خو پریږده  بلکه  داوریدو یی هم څوک علاقه مند ندی  او وایی دا اداره په ډ یرو رنځونو اخته دی . دلته به دکرزی (دارګ چپن دار) ځینی لاس ته راوړنی درنو لوستونکو سره شریکی کړو. لمړی: ستراتیږیک تړون په اړه لمړی ځل یوه امریکایی سناتورڅرګندونی وکړی چه دارګ چپن دار تر ډ یری مودی چوپه  خوله وه  بلاخره یی ویل چه دامریکی دوست هیواد دستراتیږیک تړون غوښتنه کړیدی بیا  ددی لپاره چه له را تلونکی تاریخی مسولیته څخه ځان وژغوری یوه فرمایشی لویه جرګه راوغوښتله څه چه دارګ چپن دار دهدایت سره منابعو له قوله د  سم  پریکړی وکړی بیا هم له ډ یرونا ند ریو اوشخصی ګټوپه نظرکی نیولوسره لاس لیک کړدځینو  ارګ چپن دارملت ته دستراتیږیک تړون په اړه پوره اورښتینی معلومات نه ورکول بهانی یی کولی چه دملی ګټوخوندی کیدو پر سراو...... له امریکی سره موافقی ته نه یو رسید لی مګر حقیقت دا شان نه وه بلکه دارګ چپن دارله امریکی  سر ه دتړون په بدل کی سوداوکړه هغه داچه امریکایان به قیوم کرزی دافغانستان راتلونکی ولسمشر په توګه ټا کی ( و لسمشری دکرزی په کورنی کی میراثی کړی ) پدی هکله دیوه بل رټل شوی (یونس قانونی ) افغان او افغانستان دښمنه جنګسالار سره د مرستیال په توګه خبری کړی .  مګرافغانانو په تاریخ کی دا ډول قلابی جرګی او تړونونه ندی منلی که دا منل کیدلی ببرک او ربانی هم قلابی جرګی او له روسانو سره تړونونه لاسلیک کړی وه پایلی دواړو له ځانونو سره ګور ته یووړلی  .     دوهم : دوستم ګلم جم  هیوادکی مشهوراوپیږندل شوی جنګسالاردملی یوالی دښمن په ملی خیانت ککړڅپرکی اود افغانستان دملی دفاع وزارت برحاله افسر دروسانو له وخته را نیولی بیا دامریکایانوتراشغاله پوری دهیواد په ګوټ ګوټ کی په سلهاوو زره بی ګناه او بی دفاع هیوادوال په ډیره بی رحمانه توګه په شهاد ت سره رسولی چه ځینو ولایتو نوکی پدی برخه غونډی او پریکړی وشوی دارګ له چپن دارڅخه یی غوښتنه وکړه چه دوستم ګلم جم محکمه کړی مګردملت غو ښتنو ته یی شا دخپلو شخصی ګټو په خاطر یی ورڅخه ملا تړ وکړ کله چه دشخصی ګټوته خطر متوجه شونور دچپن داردامنیت شوراد ملی خاین په توګه لویی څارنوالی ته وروپیږا نده بیا هغه متل چه وایی (غل په غره کی نه ځایږی) له ویری عاجل دشپی له ازبکستانه څرخکه را وغوښته چه لمړی ازبکستان ته بیا له هغه ځایه ترکیی ته وتښتیده نور دارګ چپن دار بیا وویل چه دوستم ملی خاین ندی لدی څخه داسی څرګنده شوه چه دوستم ګلم جم ته یی یوه ګوش تاوی ورکړه (چه اخور دی ورک کړیدی ) تر څو په راتلونکی وخت کی دقیوم کرزی لپاره کمپاین وکړ (هغه قیوم کرزی چه ...... نه علاوه والیان یی دپیسو په بدل کی اووزیران یی ټا کی) په ځواب کی دوستم ګلم جم دارګ له چبن دار څخه مننه اودامنیت له شورایی غوښتی وچه دهغوبی بنسټه معلوماتو له امله چه درسنیو په اختیار کی ورکړی وه باید زما اودافغانستان  له ملت څخه بخشنه وغواړی . پدی کی هم شک نشته چه دارګ چپن داردامنیت شورادا کارهم وکړی دادی بیا هم دملی دفاع وزارت بر حاله بیسواده افسر د پاریس په غونډه کی ګډون وکړ .    دبل لوری احمد ضیا  مسعود د پنجشیردمړه قوماندان   احمد شاه مسعود وروراود جمعیت دګوند مړه مشربرهان الدین ربانی زوم چه د متحدی جبهی(تجزیه پلوی ډلی) مشر او دوستم یی هم غړی دی ویلی  دی(چه افغان حکومت غواړی ړی دوستم بدنام کړی) دډیرو اپلتو په پایله کی یی دا هم ویلی دی (چه داډول تورونه خطرناکی پایلی لری موږد ملت له ملاتړڅخه برخمن یو ) ددوستم ګلم جم پر ټاکنه امر یکایانوهم په خپل وخت کی اندیښنه څرګنده کړی وه مګردارګ چپن داردافغانستان دشهیدانوقا تل د ملی وحد ت دښمن په ملی خیانت تورن پر ټو لو  جنایاتو  سترګی پټی دمحکمی پرځای  ورته ډیر مقامونه اواختیارات ورکړه چه پدی کارسره یی خپله دښمنی له ملت سره په ډاګه کړه .  ) میلیونو ډالرو په ارزښت دافغانستان پوځ۴۰دریم : دبلومبرګ  راپورچه دامریکی ددفاع وزارت له قوله یی لیکلی د ( ) دانی وی داضافه  پرزو په ګډون ورکی شوی داعینکی په ازاد بازار۷۱۵۷لپاره هغه دشپی لیدونکو عینکوچه  شمیره د ( کی نه پلورل کیږی چه یوه اغیزمنه تکنالوږی دی .  داسی ګمان کیږی چه دا عینکی به هم دنورو وسایلو په شان چه بسم الله محمدی پلورلی وه پلورل شوی وی په دفاع وزارت کی له ویانده یی نیولی چه دټانګ په شان غوریږی تر ډیرو لوړ پوړو  چارواکو پوری دایران خواخوږی او ګمارلی پکی ځای پرځای شویدی که دوخت په تیریدو سره  دا هم دتیر په شان بر بنډ شی د پوښتنی جرات څوک  نلری .    ) لیکلی چه دحامدکرزی حکومت په اداری فساد۲۰/۰۶/۲۰۱۲څلورم : دتیلګراف ورځپاڼی غورچاڼ یی را اخلو په ( ) میلیارده ډالری قرارداد مشری په غا ړه لری او همدا دکاکا زامن۳تورن دی داسی ویل کیږی چه دکرزی دکاکا زامن د ( یی په امریکی کی د نشه یی توکو  دپیرید لو له امله زندانی شوی وه .   ) کاله په امریکی کی زندان تیر کړیدی۹) کلونو کی دمخدره توکو دپیریدلو په جرم (۱۹۹۰رشید او راتب  پوپل په ( دوطن ګاز او تیلو موسسه دحامد کرزی دکاکا زامنو( رشید او راتب پوپل) تر مشری لاندی کنټرولیږی دغه قرارداد د کرزی دکاکا زامنودچینایی  دولتی شرکت سره په ګډه پلاس راوړی دی پداسی حال کی دغه مشری پلاس کی اخلی چه خپل یوبل شرکت  په امریکایی وسایلو چلوی دطالبانو مشرانو ته دنه برید کولو په خاطر پیسی ورکوی .  )میلونه بوشکو تیلو ته دافغانستان شمال په درو۱۶۰) کالو لپاره دی چه دوطن شرکت او چینایان به (۲۵دغه تړون  د( سیمو کی لاره پیدا کړی .  پداسی غټه پروژه کی دداسی مجرمینو ګډ ون خورا داند یښنی وړ نه بلکه لوی جرم دی . . پنځم:  کرزی  ټایم مجلی ته ویلی چه یو وخت نږدی وه چه له امریکا سره یی ایتلاف پای ته ورسیږی دامریکا متحده ایالاتونو تردی خورا زیات څه کولای شو . همدا رنګه کرزی نوموړی مجلی ته دا هم  ویلی دی په تاریخ کی افغانانو دلمړی ځل لپاره بهرنیو ځواکونو ته هرکلی ووایه خو دوی دهغوافغانانو کلیوالو دکورونو پروا ونکړه چه دامریکی او ناتو ځواکونو ته یی هر کلی ویلی وه .   کرزی په څرګندونوکی دمبالغی څخه هم  وړاندی تللی دی   له حقیقت څخه انکار   وجدان سره مخه ښی   او الله (ج) ته ورتګ یی هم هیر وه    داحقیت دی چه دارګ چپن دار او شمالی ټلوالی امریکایی او ناتو پوځیانو ته هرکلی ویلی دی اوافغانستان کی یی دوژل شویو امریکایی پو ځیانو پر قبرونو هم دببرک په شان  دګولو ګیډی  کیښودلی دی .  ببرک دتاریخ بدنام دقدرت په رنځ اخته اود ډ لی ځینو کسانو یی روسانوته هرکلی ویلی وه مګر افغانانو په تاریخ کی اشغا لګروته هرکلی نه بلکه وسلی ته لاس او تاریخی ناکامی سره مخا مخ کړیدی .  دشمالی ټلوالی مشر انو  دډالرو په بدل کی  اسلام   وجدان  ملی ګټی  ملی یوالی  ځمکنی بشپړ تیا   اواستقلال  سره   خیانت کړیدی داڅرنګه وجدان دی چه شمالی ټلوا له نن بیا دجهاد سوری شروع کړی داجهاد نوموړی ټلوالی ته دعایدا تی منبع حیثیت لری دا پرون دروسی هند ایران پاکستان  مجاهدین وه اوڅه دپاسه تیره یوه لسیزه  دامریکی مجاهدین هم شول بلکه دهرچا دغاړی هار شویدی مګر دا خاوره اصیل بچیان لری ساتنه یی پر هغوی فرض دی لکه څرنګه یی چه په تاریخ کی ساتلی دی .  ) ددولت دری ګونو قواوبیړنی غونډه راو غوښته اوهغی ته یی وینا وکړه دلته په لنډ۲۱/۰۶/۲۰۱۲شپږم : کرزی  په ( ډول ځینی مهم ټکی را اخلو. فساد لوړی کچی ته رسیدلی دی »»  لدی وروسته به مصلحت غوښتونکی نه وی اوس بدل شوی »» له مرسته کونکو هیوادو او امریکی وغوښتل چه لوړ پوړو چارواکو او دهغوی خپلوانو ته له تړونونو ورکولو ډه ډه وکړی »»  دواکمن دولت په جوړولو کی باید قومی  ډله ایز او سیاسی پلوی په پام کی ونه نیول شی »»  له دری ګونو قواوو څخه یی د همکاری او دفساد په له منځه وړلو کی مرسته وغوښتله . دا هغه څرګندونی دی چه ددی ټولونا خوالواصلی عامل پخپله کرزی دی چه نن ورځ بیاهم دافغانستان حکومت دنړی په لسونا کامو هیوادوکی شپږم ځای لری . دکرزی څرګندونی په داسی وخت کی تر سره کیږی چه له یوه لوری یی دکار دوره ختمیدوته نږدی شوی دی اودبل لوری څه پاته هم ندی اوچاړه دملت هډوکوته رسیدلی دی  خو ګمان نه کیږی خپلی څرګندونی پلی کړی ځکه چه په تیرو لسو کالو کی ازمویل شویدی او ناممکنه هم دی زه به یی څو مثالونه دلته راواخلم . په فساد  اوقاچاق کی دکرزی وروڼه د کابل بانک له چوره  نیولی دکندهار دعینو مینی ښارګوټی پوری چه  نن څارنوالی کی یو پر بل عریضی کوی مثال  دامریکی نیویارک ټایمزلاند ینی را پور په لنډ ډول وګورو .  دامریکی نیویارک ټایمزپه خپل راپور کی لیکلی چه دکرزی کورنی په خپلومنځوکی په پټه دتیرولسو کلو په غنیمتو سره جنګیږی قیوم کرزی هلی ځلی پیل کړی چه ولسمشری ته ودریږی محمود کرزی هغه ورور یی چه دکابل بانک په پورونوتورن دی دقیوم کرزی څخه ملاتړکوی اوبل دهغه څه پرسرهم سره جنګیږی چه دعینومینه دی دا مینه دافغانستان تر ټولو لوی ښار ګوټی دی همدارنګه ویل شوی چه دکرزی کورنی ډیرڅه دجګړی څخه لاس ته راوړیدی دامریکا پوځ قراردادونه دبهرنیو کمپنیوسره داخلی معاملی دولتی فساد اود نشی توکو قاچاق هغه څه دی چه دوی په تیرو لسو کلوکی ځانونه پړسولی دی   نن داسی ویل کیږی چه شاولی کرزی داحمد ولی کرزی په وخت کی کوم رول نه در لوده دهغه له ) میلیونه ډالرځپل شرکت ته انتقال کړی دی اوس۵۵مرګه وروسته کرزی دهغه ځای ناستی وټاکه نن ورځ دعینو مینی ( محمود کرزی  څارنوالی کی پر شاولی کرزی عریضه کړیدی .   مارشال فهیم دکرزی لمړی مرستیال ډیری دولتی ځمکی قبضه کړی دکابل ښار په ډیرو برخو  کی په زیاته اندازه سره کورونه اخیستی دی شیر پور یی  شیر چورکړ وروڼویی دجایدادونو پرسرخلک دکابل ښارکی ووژل ددی ټولو دپاسه د پوډرو لوی ښاماردی پدی اړه امریکی هم ویلی وه مارشال فهیم یوه روسی جوړه الوتکه لری پکی روسی ته مخدره توکوقاچا ق کارکوی تردی چه دامریکی دبهرنیوچارووزیری میرمن هیلری کلنټن ویلی وه چه که کرزی مارشال فهیم دمرستیال په توګه وټاکی موږبه نوموړی ته ویزه ورنکړوچه امریکی ته سفروکړی دامنیت لوی ریاست  د پنجشیر اوسیدونکی پلاس دی دفهیم دتره زامن ریاستونه په غاړه لری کریم خلیلی د کرزی دوهم مرستیال په کابل ښارکی دولتی  ځمکی ونیولی دخپل ورورحاجی نبی په نوم ښارګوټی جوړ کړ ی بګرامیوولسوالی کی دولتی ځمکی په خپل امر ) میلیونه ډالرو په ارزښت سره ورکړی چه ښار ګوټی پکی جوړوی په خپله یوه۶۵۰سره داونکس شرکت ته د( تیلویزیونی مرکه کی ویلی چه پلاریی دسیمی یوعادی وګړی وه  دډیرو خلکو پوروړی وه  تعلیم می ندی کړی زه شپون ومه اوګری شرون  دسی ای ای مسول دافغانستان لپاره په خپل کتاب کی لیکلی دی چه افغانستان کی ورته کریم خلیلی ) سلنه  پښتانه دی مګرپه ولسی جرګه۸۰اواحمدشاه مسعود کارکاوه (جاسوسی یی کوله) تردی توکم پاله دی چه دغزنی( کی یواستا زی هم نلری خپله کرزی دانتخا با توکمیسیون له مشره وغوښتل دغزنی په برخه کی له سره کتنه وکړی په ځواب کی خلیلی وګواښه که دغزنی یو وکیل هم کم شی موږ به له حکومت ووزوکرزی چوپه خوله ترنن پوری پاته هغه   متل چه وایی (شولی ته بخور پردی ته کن ) تردی هم توکمه پاله دی دیوه انستیتوت مشر ته یی دیوه هزاره محصل لپاره لیک لیږلی وه چه د ماسپښین له وخته سهار ته بدل کړه هغه یی لیک ونه مانه محصل بیا خلیلی ته ورغلی نور بل ځل یی ورته تیلفون وکړ دانستیتوت مشرچه رښتینی افغان  وطن دوسته او دلوړو زده کړو خاوند وه وویل نشم کولی استادان راسره نه منی په ځواب کی خلیلی ورته وویل نور خبری نه غواړم بدل یی کړه مګر هغه دانستیتوت مشر زه له نږدی پیږنم هغه راته وویل چه دا محصل واسطه خلیلی لری هغه بل خدای لری چه همدا اوس له وظیفی ځواب هم راکړی نه یی کومه دقتل عامونه خبره خومه یادوی چه څومره په هزاره جات او څومره دکابل افشارو کی ووژل . احمد ضیا مسعود دکرزی پخوانی لمړی مرستیال  د د فتر مشر هم میلیونر شوچه او س دافغانستان سفارت لندن کی ) میلیونه۴۲دنده لری او احمد ضیا څو ځلی له ډیرو نقدو ډالرواو قیمتی  کاڼو سر دوبی کی ونیول شو وروستی ځل له ( څخه زیاتو نقدو ډالروسره ونیول شو داخزانه غیب له کومه  کړه او نن ورځ دیوی بیلتون پالی ډلی مشری په غاړه لری . بسم الله محمدی دکورنیو چارو وزیر  دوزارت دفاع دشفاخانو طبی ماشین الات په میلیونو ډالرووپلورل دفساد نه علاوه  په توکم پالنه ژبه پالنه   سمت پالنه او ګوند پالنه کی خورا شهرت لری وزارت داخله اووزارت دفاع کی ژوندی کارنامی پرځای دی پولیس یی با وجود چه شخصی او دیوی سیمی پولیس ګرځولی دامنیت په رامنځ ته کولو کی ناکا می هره ورځ په سترګو وینو حنیف اتمر دپرچم ګوند غړی دکورنیو چارو پخوانی وزیراو دشمالی ټلوالی متحد دلویی جرګی خیمی دامنیت پاته راتلو کی له دندی ګوښه کړ مګراوس خو هره ورځ بریدونه روان دی مظلوم کرزی دپنجشیر خود مختا ره بد )۷۰ماش وزیرپه وړاندی سکوت پاته دی اسماعیل خان داوبواوبریښنا وزیرداداری فساد سره دمبارزی ریاست په ( میلیونه ډالره داسنادو پر مخ تورن کړی محکمه ناممکنه بریښی داسی ویل کیږی چه کرزی د فساد سره دمبارز ی  پر ریس په غصه شوی .  کرزی وایی زه اوس بدل شوی یم  داخبری دی عمل ګران دی داموجوده مرستیالان  دمصلحت پر بنا ټاکلی دی او که د کاری وړتیا پر بنا  دکار وړتیا اثارنه په نا فارغه دمدرسی شا ګرد کی شته او نه هم په  شپون  کی او نه ددی توان او جرات لری چه له دندی ګوښه کړی   مخدوم رهین داطلاعاتو اوکلتور وزیر دکوم قانون پربنا وټاکه چه یوځل دباور رایه بیرته ورڅخه واخستل شوه بل ځل یی هم دباور رایه تر لاسه نکړه دریم ځل موبیا دباور رایی لپاره ولسی جرګی ته ور وپیږاند دایران په ډالرواو دکرزی په سپارښتونو داطلاعاتو او کلتوروزیر شو چه نن یی کارکردګی دایران داستازی په توګه بریښی او خپله مبارزه یی دپښتو او پښتنو په وړاندی جاری ساتلی دی  دلوړو زده کړو وزیرخومو هم له نظره مه باسی چه دکابل پوهنتون او بهرنیو هیوادو ته دتحصیل لپاره کوم معیارونه په نظر کی نیول او که یوازی هزاره بودن معیاروه   او دننی وزیر تګلاره موهم دپښتو او پښتنو په وړاندی مبارزه دی »»  هغه وزیرانو چه دباور رایه له ولسی جرګی ترلاسه نکړه دکوم قانون پربنا دوه کاله دسرپرست وزیرانو په توګه کار وکړ بیا دکوم قانون په اساس مربوطه وزار تونو لپاره ولسی جرګی ته ور وپیږندل در حال چه قانون حکم کوی چه یو وزیر یوځل یوه وزارت ته ونومول شو او دباور رایه له ولسی جرګی ترلاسه نکړه ددوهم ځل لپاره بیا همغه وزارت ته نشی نومول کید لی ددی ټولوخلا ف  ورزیو دپاسه کرزی له  ولسی جرګی هم و غوښتل چه وزیرانو ته دملی وحدت په نظر کی نیولو سره دباور رایه ورکړی دپردی ترشا څه ډول سازشونه وشول قانون د ملت لپاره دی اوکه لوړپوړو دولتی چارواکواوریس جمهور لپاره هم دی ؟ »»   دکابل موجوده اداره دکاری وړتیا پربنا ندی جوړه دګوندی ژبنی  سمتی اوجنګی جنایتکارانو  څخه جوړه  او کوم اوصول او معیارونه پکی نه تر سترګو کیږی دیوی محدودی ډلی پلاس کی دی وبه لیدل شی چه کرزی څه ډول تغیرات رامنځ ته کولی شی ( اختر پت میړه ندی) »»  ننی حکومت کی تړونونه ټول دکرزی کورنی مرستیا لا نو وزیرانو  او یا هم دهغوی  شریکانو اخیستی دی او راتلونک یی همداشان دی »»   کومه ولسی جرګه چه لانجی  تر ځانګړی محکمی جوړولو پوری ورسید لی کرزی اخر دپنجشیر خود مختاره بد ماشانو په وړاندی تسلیم شواو په ولسی جرګه کی شمالی ټلوالی خپل اکثریت وساته . دوام لری   اخځایونه :  خبریال  / روهی /  نعیمی  / او تاند  ویب سایټونه mansoorahmadzai@hotmail.com