که پردی يم درته خپل مــــې کړه جانانه
ته او خداى د اوربل ګل مې کړه جانانه
غزلتوري مې د سپينې غاړې هــار کړه
د مين شاعــــر غزل مــــــــــې کړه جانانه
ګوندې تا ته په څه چــــــل درورســـيږم
لاروى د خپل منزل مـــــې کــــــړه جانانه
په رخسار مـــــې بلا ډېر خــالونه کيږده
د شينکو ستورو ځنګل مې کړه جانانه
ته له مانه څومـــــــره ډېره مينه غواړې؟
راشه ډېره ډېره ښکل مـــــې کړه جانانه
