دسوريې دپلازمېنې دمشق دمعربه نومې سيمې پرلاره په لسګونونايټ کلبونه (کابارې) شته چې په ځلېدونکو رڼاگانو او ډول ډول سينگارونو باندې سمبال دي.
دا هغه ځاى دى چې له بېلابېلوسيمونه خلک ورته راځي، نه يوازې له سوريې نه چې ان له سعودي عربواوعراق څخه هم خلک ورته راځي تر څو د ځوانو نجونو د نڅا ننداره وکړي.
په دې نايټ کلبونوکې نڅاکونکې ډېرې نجونه تنکۍ پېغلې دي چې يوزيات شمېريې له عراقه راغلې اودهغه پيسولپاره گډېږي چې د نڅا پرمهال پرې پاشل کيږي.
ددغه نڅاګرو شاوخوا ساتونکي ولاړ وي چې د نندارچيانو له ځورولو دغه نجونې وساتي او په عين وخت کې د هغوى لپاره له دغو نجونو سره د جنسي اړيکو لاره چارې برابروي او دلالي کوي.
دامريکا په لاس دعراق ترنيول کېدو وروسته، په تېروڅلوروکلونوکې سلګونه زره عراقي کډوال، په دغه هېواد کې دجګړواوزورزياتي له څپوڅخه دسوريې اواردن په لورتښتېدلي دي. په دغو کورنيو کې بيا تر ټولو زياتې ننگونې د هغو په مخ کې پرتې دي چې ښځې يې د روزي گټلو بار پر غاړه دى.
دسوريې چارواکو او مرستندويه موسسو ته هم د دا ډول ښځو کره شمېره نده څرګنده، خود دې ډول ښځو يوزيات شميروايي چې دوى په نايټ کلپونو کې له کارکولو پرته د گوزارې بله هېڅ چاره نه لري.
څورلس کلنه رفيف چې معصوميت يې په څېره کې له ورايه ښکاري او وېښتان يې د اس د لکۍ په شان جوړ کړي يو همدغسې اړو نجونو څخه ده. رفيف په دې تنکي عمر کې ښايي هغه ناورين سم درک نه شي کړاى چې پرې تېرېږي.
رفيف وايي: ((زه څلورخويندې لرم چې ټړلې واده شوې دي، اوڅلوروروڼه لرم چې ټول په بغداد کې اوسېږي. زه دلته له خپلې موراوکوچني ورورسره يم، په عراق کې زما دکورنۍ هيڅ غړى هم پر دې نه دي خبر چې زۀ دلته څه کوم.))
رفيف وايي چې په سوريه کې هغوى ته د منظم کارداجازې د نشتوالي له امله دهغوى پيسې ډېرژر تمامې شوې ځکه نو د هغې موردژوند تېرولو لپاره دنورولارو په لټه کې شوه.
هغه وايي :(( يوه ښځه راغله اوزما له مورسره يې خبرې وکړې. له هغۀ وروسته بيا زما موردې ډول ځايونوته زما له لېږلوسره موافقه وښوده ځکه موږ پيسو ته اړتيا درلوده. بيا يې زه د بد لمنۍ په تورونيولم اوبېرته يې عراق ته واړولم، خو زه بيا په جعلي پاسپورټ بېرته دلته راغلم.))
رفيف زياتوي چې په يوه شپه کې تردېرشو ډالرو پوري ګټي خوکله يې چې خلک شخصي بنګلو ته بيايي نودغه ګټه ترسلو ډالروپورې رسېږي. خو رفيف دا نه وايي چې د دې پيسو په بدل کې دا د شپې څۀ کار ترسره کوي.
ټولې هغه نجونې اوښځې چې پدې ډول نڅا ځايونوکې کارکوي دا ډول کار ته په خپله خوښه نه راځي. ندا ١٦ کلنه عراقي نجلۍ وايي چې خپل پلار يې وروسته تر هغه دعراق اوسوريي په ګډه پوله يوازې پرېښوده، چې د ددې دتره زوى پرې جنسي تېرى وکړ.
دا وايي چې وروسته له هغۀ دا پنځوعراقي سړيو له پولي څخه دمشق ته راوسته، هغوى پرې ډله ييز جنسي تېرى وکړاووروسته يې پريوې داسې ښځې وپلوره چې په شخصي بنګلواونايټ کلپونوکې يې نڅا کولوته اړاېسته. ندا اوس د ساتنې او سمونې په يوه حکومتي مرکزکې عراق ته دبېرته ستنولو په انتظارده.
دسوريې چارواکي وايي چې پوليسو داسې عراقي نجونې هم نيولې چې عمر يې تر١٢ کلونوزيات نه وو او په دې ډول نايټ کلپونوکې دفاحشې په توګه خپل بدن پلورلو. همدارنګه دکډوالولپاره دملګروملتوسازمان دکميشنرۍ کارکونکى لارنزجولس وايي چې دوى دګڼ شميرداسې ښځوپه اړه معلومات ترلاسه کوي چې د بدې ورځې لامله د نورو لخوا د ناوړه کارونو ښکار کېږي او د بدلمنۍ په څېر کارونو ته اړ ايستل کېږي.
نوموړى زياتوي چې درسوايى وېره اوشرم هغه دليلونه دي چې نه پرېږدي دسوريې حکومت اومرستندويه ادارې ددې ډول ښځو دسمې شمېرې په پوهېدوکې پاتې راغلې چې د بشري وېرې اچونې قرباني دي ياپه ځان پلورنه بوختې دي.
هغه مېرمنې چې دپوليسو له خوا نيول کيږي دساتنې مرکزيا زندان ته استول کيږي چې ډېروخت ترې تېښته هم کوي.
جونزوايې چې ډېر ځله د دا ډول نجونو د ساتنې او سمونې مرکزونو ته زموږ له ورتگ سره جوخت او يا مخکې هغوى بېرته پرېښودل کېږي او ډېرى وخت د هغو کسانو په ضمانت خوشي کېږي چې دغو بدکاريو ته يې دغه نجونې اړ ايستې وي.
له عراق څخه تښتېدونکې ګڼ شمېرنجونې اوځوانې ښځې په خپل ذهن کې ديوه اسانه او سوکاله ژوند په تمه لري. خو کله چې سوريې ته راورسېږي هلته وپوهېږي چې دلته ژوند لا زيات سخت او له کړاوه ډک دى.
ډېر ځله تنکۍ نجونې چې تازه يې د ژوند په حساس ډگر کې گامونه اخيستل پيل کړي د دغو ناخوالو لامله همدومره ژر احساس وکړي د خپل عمر اوږد خوب يې همدلته پاى ته رسېدلى.
عراقي نجلۍ ندا وايي چې دسوريې حکومت غواړي ما بېرته عراق ته واستوي، پداسې حال کې چې هلته زما هيڅ څوک نشته او زما ژوند هم هلته په خطر کې دى. دا وايي لدې ځايه په تلو سره نورماته هيڅ امېد نه پاتې کېږي.
هغه وايې چې ما حکومت ته هم ويلي دي چې زه بېرته عراق ته تلل نه غواړم، زما کورنۍ زه شړلې يم.
