د ډاکټرمحمد اشرف غني د کمپاین عمومي مرکز
د ختیزو ولایتونو څانګه
مطبوعاتي خبرپاڼه
د وري(حمل )۷مه
د ختیزو ولایتونو لسګونه زره استوګنو نن د ولسمشرۍ
نوماند ډاکټراشرف غني احمدزي په پلوۍ د هغه او دویم مرستیال په ګډون یې پراخه
غونډه وکړه.
په غونډه کې د قرآنکریم د څو ایتونو له لوستو او ملي
سرود اورولو وروسته د ختیزو ولایتونو د ولسونو په استازیتوب جهادي شخصیت حاجي دین
محمد د هرکلي وینا وکړه.
ښاغلي دین محمد وویل:په تېرو دوه دورو ټاکنو کې چې
ختیزوال د چا ترشا ودریدلي،بریالی کړی یې دی،دا ځل ولسمشرۍ ته له نوماند ډاکټراشرف
غني سره یوو،نن د هغه د ملاتړ اعلانولو پرځای سرله اوسه ده ته په دې ټاکنو کې د
بریالیتوب مبارکي وایوو.
د ډاکټراشرف غني د بدلون او دوام ټاکنیزټیم دویم
مرستیال استاد سرور دانش پخپله وینا کې وویل:ولس په یوه خوله بدلون او د هغه
داوامداره ساتل غواړي،زموږ ټیم ویاړمن
دی،چې د ملي یووالي او پاکو ملي احساساتو تمثیل او استازیتوب کوي.
د ولسمشرۍ نوماند ډاکټر اشرف غني احمدزي د خپلې وینا
پرمهال وویل:د ختیزوالو دا پراخ او بېساری ملاتړ په حتمي بریالیتوب ډاډمنوي.
ډاکټراحمدزي دغه راز وویل په ټاکنو کې له درغلیو نه
وېریږي،ځکه ولس له ده او ټاکنیزټیم سره یې دی او د خپلو رایو ساتنه او دفاع کولای
شي.
ډاکټراشرف غني ژمنه وکړه،چې له بریالیتوب څخه وروسته به
ختیځ ولایتونه د بریښنا واردولو له ستونزې خلاص او خپله بریښنا صادرونکي کړي.
هغه همدا شان وویل،چې حکومت به یې ختیځ ولایتونه په مهمو
اقتصادي ولایتونو بدل او ټولو ځوانانو ته یې د ښو زده کړو زمینه برابره کړي.
د غونډې په ترڅ کې ډاکټراشرف غني او دویم مرستیال ته یې
په ختیځ کې د بدلون او دوام ټیم د کمپاین د عمومي مسول احسان الله کاموال او ځینو نورو
مخورو لخوا د مشرۍ پګړۍ وتړل شوې.
په نننۍ پراخه غونډه کې د ټولو ختیزو ولایتونو لسګونه
زرو استوګنو،د مختلفو ګوندونو،ټولنو او قشرونو استازو برخه اخیستې وه.
د ختیځ زون د کمپاین مطبوعاتي مسول:ارشاد رغاند
اړیکې:Arshad.raghand@gmail.com
ټلیفون شمېره:۰۷۷۱۴۳۱۴۳۱
فیسبوک پته:https://www.facebook.com/pages/Dr-Ashraf-Ghani-Eastern-Zone-Compaign-Office/220640024806332
