نن سهار وختي 6:30 بجې د کابل
له ختيځ بګراميو څخه پر کابل ښار درې راکټونه توغول شوي، چې مرګ ژوبله يې نه
درلوده.
دغه توغندي د لسمې
او دوهمې ناحيې سوېل ته لګيدلي او ځينو شخصي او تجارتي ودانيو ته يې زيان رسولی. د رېپوټونو له مخې يو توغندی د فروشګاه سره څېرمه غورځيدلی او دوهم په شش درک کې د ايساف ځواکونو ته نږدې لګيدلی خو د درېيم توغندي د پريوتو ځای نه دی څرګند.
د کورنيو چارو وزارت مسؤلين وايي، چې د دغو توغنديو د ويشتلو سره د تړاو په تور يې دوه تنه نيولي دي او پلټنې روانې دي.
