اوکراییني چارواکي پر ایران تور پورې کوي چې "کامیکاز ډرون" په نوم الوتکې ايران کې جوړې شوې، پر روسيې يې خرڅې کړې او د ګڼو اوکرايني وګړو د وژل کېدو سبب ګرځېدلې دي.
اوکراین په وروستیو اونیو کې د ایراني شهید-۱۳۶ بې پیلوټه الوتکو په کارولو سره د روسیې له خوا د هوايي بریدونو ويلي. تهران بيا روسیې ته د بې پیلوټه الوتکو استول ردوي، په داسې حال کې چې کرملین په دې اړه څه نه وايي.
په همدې تړاو تېره میاشت د اوکراين ولسمشر ولادیمیر زیلینسکي اعلان وکړ چې د ایران د سفیر اعتبار يې لغوه کړ ځکه چې روسي ځواکونو په اوکراین کې د ایراني بې پیلوټه الوتکو څخه کار اخیستی.
څو ساعته وروسته له هغې چې کییف کې د کامیکاز ډرون الوتکو برید لږترلږه څلور کسان ووژل او یو شمیر نور یې ټپیان کړل؛ د اوکراین د بهرنیو چارو وزیر پر ایران باندې د اروپایي اتحادیې د نوي بندیزونو غوښتنه وکړه.
د پوځي چارو شنونکو پر اند، ايرانۍ شهید - ۱۳۶- کامیکاز ډرون الوتکې ايران روسيې ته ورکړې او روسيه د اوکراين په جګړه ورڅخه پراخه ګټه پورته کوي.
.jpg)
.jpg)
