د افغانستان بهرنيو چارو وزارت وايي چې اوس مهال د پاکستان کراچۍ زندان کې درې سوه افغانان بنديان دي، چې هلته اسلام اباد کې د افغانستان سفارت يې د خلاصون هڅې کوي.
د افغانستان د بهرنيو چارو وزارت مرستيال وياند په دې اړه رسنيو ته ويلي دي، " يو شمېر له دغه زندانيانو نن خوشې شوي او د پاتې نورو د خوشې کېدو پرېکړه به په راروانو ورځو کې تر سره شي."
دغه درې سوه افغان ګډوال د تېرې ميلادي مياشتې په لومړيو کې پاکستان کې نېول شوي وو، چې يو شمېر ښځې او ماشومان هم په کې شامل وو. پاکستاني پوليسو ويلي وو چې د سندونو د نشتون له امله يې ياد کسان نېولي وو.
د شمېرو پر بنسټ، دمګړۍ شاوخوا ۳ میلیونه افغان کډوال په پاکستان کې ژوند کوي او ډېری یې د اوسېدو لپاره قانوني سندونه نه لري.
.jpg)
.jpg)
