هندي رسنیو ليکلي دي چې د هندوستان حکومت پر هغه غوښتنليکونو کار کوي، چې افغان هندوان او سېکانو له افغانستان څخه د وتلو په پار د برېښنايي ويزو غوښتنه په کې کړې ده.
هندو نومي هندي رسنۍ ليکلي دي چې تېره ورځ ۳۰ نور افغان هندوان او سېکان هندوستان ته لېږدول شوي دي. د يادې رسنۍ د مالوماتو پر بنسټ، اوس مهال يوازې ۱۱۰ افغان هندوان او سېکان کابل کې پاتې دي.
لسيزې وړاندې افغانستان کې د هندوانو او سېکانو شمېر لسګونه زره وو، خو افغانستان کې د وروستيو څو لسيزو جګړو د دوی امنيتي ګواښونه ډېر کړل او اړ شول چې افغانستان پرېږدي.
تېر حکومت کې هم څو ځلې د افغان هندوانو او سېکانو پر مذهبي ځايونو بريدونه شوي وو او همدا ډول ځيني زورواکو يې ځمکې او جايدادونه غصب کړي وو.
.jpg)
.jpg)
