ژر انزال يا Premature Ejaculation -درېيمه برخه: د طعبيي بوټو او طبي درملو په وسيله درملنه 

د شهوت په صورت کې په فشار او غېر اختياري ډول سره د نارينه مني وتل د ژر انزال يا Premature Ejaculation ناروغي ده. د همدې لېکنې په لومړۍ او دويمې برخې کې مو د دغه ستونزې او ناروغۍ پر روحي او بیالوژيکي لاملونو مالومات وړاندې کړل. د لېکنې په دې درېيمه  برخه کې د ژر انزال يا Premature Ejaculation درملنه د طعبيي بوټو او ځينو جوړ شوو کريمونو په وسيله درته  په ګوته کيږي. 

۱- آيورويدا د بوټو درمل Ayurvedic herbal medicine:
له پېړيو راهيسې هندوستان کې د آيورويدا په نوم له بوټو د درمل جوړونې يو سېستم شتون لري. آيورويدا  کې له طعبيي بوټو بېلا - بېل درمل جوړيږي چې د عصري طب په شتون کې يې هم کارونه اغېزناکه ده. د يوې تر سره شوې څېړنې اړوند هغه کسان چې په هندوستان کې دي او يا د نړۍ له ځينو نورو هېوادونو هلته تللې او د ژر انزال ناروغي يې درلوده، د آيورويدا کورنۍ له درملو په ګټې له دغه ستونزې خلاص شوي دي او يا يې هم د جنسي کوروالی وخت کې ډېروالی راغلی دی. د آيورويدا هغه درمل چې د ژر انزال لپاره ګتور تمام شوي دي kaunch beej, kamini vidrawan ras, and yauvanamrit دي. د يادونې ده چې دغه درمل د معدې د درد، ګنګستيا، د وجود درد او ځيني نورې ستونزې د جانبي عوارض په ډول رامنځ ته کوي. 

۲- چينايي د بوټو درمل Chinese herbal medicine: 
په چين کې هم د نورو ناروغيو ترڅنګ د جنسي ستونزو لپاره اوس مهال د بوټو څخه په ساده طریقې جوړ شوي درملو څخه ګټه اخېستل کيږي. که چېرې د Qilin او Yimusake په نوم دغه چينايۍ ګولۍ وخوړل شي، نو د جنسي کمزورتيا او په ځانګړې د ژر انزال مخه نيسي. د دغه ګوليو لارښوود داسې دی چې د يو څه وخت لپاره بايد هره ورځ دوه ګولۍ وخوړل شي.  د معدې درد، ګنګستيا او د جنسي لېوالتيا کمېدل د دغه درملو جانبي عوارض دي. 

۳- Topical creams: اوس وخت کې په طبي ډول سره ځيني کريمونه جوړ شوي دي چې د ژر انزال په مخنېوي کې اغېزمن تمام شوي دي. که چېرې د ښځې او خاوند ترمنځ له جنسي اړيکو او کوروالي لس يا پنځه لس دقيقې وړاندې دغه کريم خاوند پر خپلې تناسلي آلې ووهي نو د کوروالي  وخت به يې ډېر شي او مني به ژر او له توقع وړاندې نه بهر کيږي. د پورته طعبيي بوټو په څېر دغه درمل هم د يو څه درد، د جنسي لېوالتيا د کمښت او د نارينه د تناسلي آلې د خارښت سبب کيږي. 

۴- Lidocaine spray: د پورته ذکر شوي طبي کريم په ډول ځيني طبي درمل د سپرې په بڼې هم شتون لري چې که چېرې خاوند يې له جنسي نېږدوالي لس يا شل دقيقې وړاندې پر خپلې تناسلي آلې ووهي، نو جنسي شهوت به د لنډ وخت لپاره کم او ژرانزال به نه رامنځ ته کيږي. 

۵- Zinc supplements: دغه درمل هم ګټور ثابت شوي دي. که چېرې خاوند دغه درمل ۱۱ ګرامه هره ورځ وخوري نو په کم وخت کې به يې د ژر انزال ستونزه حل شي او همدا ډول Zinc supplements د dysfunction يا د کم جنسي تحرک مشکل حلووي. Zinc supplements د نارينه په وجود کې د testosterone هورمون د توليد کچه زياتوي چې هم د Premature Ejaculation او هم د dysfunction لپاره اغېزناکه درملنه او حل لار ده. 

يادونه: د همدې لېکنې په څلورمې برخې کې ځيني هغه تمريني لارې - چارې درته په ګوته کيږي، چې د ژر انزال لپاره ګټورې دي. 



تبصرې

  • منصورجواد 2021-06-23 15:45:06

    سلامونہ ورورہ لگ پدی شی وضاحت وکڑہ چی دازر انزال وجہ سہ دہ او حل لاری ای پہ گوتہ کڑہ دوھم داچی داسی درمل راتہ پہ گوتہ کڑہ چی جانبی عوارض ونلری اودلتہ ھرزای پیداشی دانہ چی پہ بعضی زایوکی وی اوھغہ مونگ تہ نوی معلوم نودابہ ستاسولہ طرفہ صدقہ اوخیروی منننہ وسلام

خپله تبصره مو ولیکئ

تاسو دغه لیکنه شریکولی شئ!

د لیکوال نورې لیکنې
Loading...