حکمتيار: ۳۰زره وسله وال لرم؛ تر هغې چې دغه حکومت له منځه نه وي تللی لاريونونه کوم 



روهي (پنځه نۍ/۱۲ د وري)، د افغانستان د اسلامي ګوند مشر ګلبدين حکمتيار يو ځل بيا  پلازمېنه کابل کې د پراخه لاريونونو خبرداری ورکړی دی. حکمتيار ويلي دي چې ترڅو اوسني حکومت لنډمهاله حکومت ته غاړه نه وي اېښي، لاريونونه به کوي. 

د حزب اسلامي مشر ويلي دي چې د کابل دننه او شااوخوا سيمو کې ۳۰ زره وسله وال کسان لري، چې د ده لارښونې او امر ته منتظر دي. د نوموړي په وينا که چېرې افغان ځواکونه د ده د لاريونونو امنيت ونه نيسي، نو د ده وسله وال به را ميدان ته شي. 

د ګلبدين حکمتيار په وينا چې حکومت بايد جګړه بس کړي، سوله وکړي او پر دې داسې يو حکومت هوکړه وکړي، چې ټولو ته د منلو وي؛ که چېرې دغه چارې تر سره شي نو لاريونونه به بس کړي. 

د حزب اسلامي مشر ويلي دي چې د لاريونونو ترڅنګ مونږ ځيني سيمو کې وسله والې غونډې هم وکړې ترڅو نړيوالو ته دا وښيو چې مونږ هم وسله لرو، جګړه کولی شو او هم منطق او خبرې لرو. 


تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ