روهي (يوه نۍ/۱۹ د سلواغې)، د پاکستان لومړی وزير عمران خان وايي چې د هندوستان هڅه دا ده چې پاکستان له نورې نړۍ منزوي کړي خو ياد هېواد په دې کار کې بريالی کېدای نه شي.
نوموړي د هندوستان په اړه دا هم ويلي دي چې د مودي حکومت دا هڅه کړې چې پاکستان د مالي اقدام ډلې یا FATF په تور نوملړ کې شامل کړي، خو د هندوستان دغه هڅه ناکامه شوې ده.
د پاکستان لومړي وزير دا خبرداری هم ورکړی دی چې ترڅو هندوستان د جمو کشمير خلکو ته حقوق او خپلواکي ورکړې نه وي، پاکستان تيار نه دی چې هندوستان سره خبرې - اترې وکړي.
