د ګازرو خوړل مو روغتیا ته څه ګټه لري؟ 



ټول خوراکي مواد چې په نړۍ کې الله تعالی پیداکړي؛ هغه زموږ د ګټې له پاره دي، تر څو په خوړلو سره یې موږ انرژی واخلو او روغ صحت ولرو. دا چې د ځینې میوو ترکاریو او خوراکي توکو ګټې زیاتې او د ځینو بیا کمې وي، خو بې ګټې خواړه نشته خامخا به یوه ګته ولري؛ که هغه هر څه وي. دا چې د ګازرو خوړل زموږ روغتیا ته څه ګټه لري او په دي ترکارۍ کې کوم ویټامینونه دي، په لاندې ډول به يې تاسې ته وړاندې کړم. 

د ګازرو اوبه یا ګازرې مو د سترګو د لید وړتیا زیاتوي: 
ګازرې د ویتامین A پیاوړې سرچینه لري. دا نارنجي رنګه ترکاري؛د بتاکاروتن درلودونکې ده،چې په وجود کې په ویټامین A بدلېږي. چې په پایله کې د سترګو د لید قوت پیاوړی کوي او د سترګو د روغتیا پالنه کوي. 

د ګازرو اوبه د سینې له سرطان سره مبارزه کوي: 
څېړنو دا ښودلې ده، چې درې اوونې د ګازرو د اوبو کارول په وینه کې د کارتنوئیدونو د کچې د کموالي لامل ګرځي؛ چې په پایله کې د اکسایشی فشار کنترولېږي، چې په دې ډول د ګازرو اوبه د سینې له سرطان سره مبارزه کوي. 

د ګازرې اوبه د DNA د زیانمنېدو کچه را کموي: 
کازري په پوره ډول د بتاکاروتن سرچینې لري؛ چې دا سرچینې لنفوسیتي DNA زیانمنېدو ته نه پریږدي. خصوصاٌ هغه کسان چې سګرټ څکوي او له مختلفو سرطانونو سره یې د اخته کېدو امکان وي. 

د ګازرو اوبه مو له زړه څخه ساتنه کوي: 
څېړنو ښودلې ده؛ چې  د ګازرو د اوبو په منظم ډول کارول سیستولیک فشار کنترولوي. 

د ګازرو اوبه د پوستکي د شفاف کېدو او د ویښتو د ښه والی لامل کېږي: 
د ګازرو اوبه په پوره اندازه انتی اکسیدان او پتاشیم لري، چې دا د سلولونو په جوړیدو کې مرسته کوي؛ چې په پایله کې یې پوستکی ښکلی او شفافه کېږي او ویښتانو ته هم ډېره ګته لري. 

د ګازرو اوبه په وینه کې قندونه کنترولوي: 
کازري د قندونو کالوری کمه ده او د ډېرو غذایی موادو لرونکې دي، چې بدن ته ډېره انرژی تولیدوي، چې په وینه کې قندونه کنترولوي او له شکر ناروغۍ څخه مخنیوی کوي. 
 

تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ