روهي (نۍ/۳۱ د غبرګولي)و تېره شپه طالبانو او افغان امنيتي ځواکونو د هلمند ولايت په نهر سراج او ګرشک ولسواليو کې سره نښتې کړې، چې مرګ - ژوبلې يې رامنځ ته کړې ده.
نهر سراج ولسوالۍ کې طالبانو سره نښته کې د ۲۰۵ ميوند قول اردو د څلورمې لوا د ارکان رئيس محمدظاهر توربای او په ګرشک ولسوالۍ کې د پولې پوليسو د درېيم کنډک قومندان محمدجان خپلواک له درېيو نورو پوليسو سره وژل شوی دی.
د هلمند ولايتي مسوولين د پورته پېښو د پخلي ترڅنګ وايي چې څلور طالبان هم وژل شوي او درې نور ټپيان شوي دي. طالبانو تر اوسه په دې اړه څه نه دي ويلي.
