روهي (نۍ/۱۷ د غبرګولي)، د امريکا متحدو ايالتو بهرنيو چارو وزارت په يوې خبرپاڼې کې ويلي دي چې د افغان روغې جوړې لپاره د امريکا متحدو ايالتو بهرنيو چارو وزارت ځانګړي استازي زلمي خليلزاد قطر، پاکستان او افغانستان ته سفر کوي.
د متحدو ايالتو بهرنيو چارو وزارت وايي چې خليلزاد به دغه سفر کې له طالب استازو سره د امريکا او طالبانو ترمنځ د سولې شوي تړون او بين الافغاني خبرو د پيل په اړه وغږيږي.
خليلزاد د امريکا او طالبانو ترمنځ د سولې تړون له لاسليک وروسته قطر، افغانستان، هندوستان او پاکستان ته سفرونه کړي او د افغانستان د راتلونکې سولې په اړه يې له چارواکو سره - سره خبرې اترې کړي.
