روهي (يوه نۍ/۱۱ د غبرګولي)، نن نشه يي توکو يا تمباکو ته (نه) ويلو نړيواله ورځ ده. دغه ورځ د مې پر ۳۱مه نېټه هر کال نړۍ کې لمانځل کيږي. د ملګرو ملتونو له خوا دغه ورځ د World No Tobacco Day يا (WNTD) په نوم نومول شوې ده.
دغه ورځ په ۱۹۸۷ کال کې د ملګرو ملتونو اړوند د روغتيا نړيوال سازمان د غړو هېوادونو له خوا رامنځ ته شوه او هر کال د نشه يي توکو د زيانونو په بيانولو سره لمانځل کيږي.
د روغتيا نړيوال سازمان د مالوماتو پر اساس هر کال اته مېلېونه انسانان د تمباکو د استعمال له امله مړه کيږي چې له يو مېلېون ډېر په کې هغه کسان دي چې څوګ تمباکو نه کاروي خو د تمباکو ککړو کسانو سره نېږدې اړيکه کوي.
د روغتيا نړيوال سازمان هر کال په دې ورځ يو شمېر کسانو او ادارو ته چې د تمباکو د مخنيوي برخه کې يې مبارزه او فعاليت کړی وي، جايزې هم ورکوي.
