روهي (دوه نۍ/۵ د غبرګولي)، د اسټراليا موناش، سوینبورن او آر ام آی ټي پوهنتونونو پوهانو د نړۍ تر ټولو چټک انټرنېټ ته لاس رسی پيدا کړی. د دغه انټرنېټ چټکتيا په يوه ثانيه کې ۴۴،۲ تېرا بايټ چې نېږدې ۴۵ زره جي بي کيږي، رسيږي.
د نیچر کمیونیکیشنز په نوم ورځپاڼې ليکلي دي چې د اسټراليا موناش، سوینبورن او آر ام آی ټي پوهنتونونو ساينس پوهان په بريالي ډول توانېدلي دي چې د نړۍ ترټولو چټک انټرنېټ ته لاس رسی پيدا کړي.
د خپرې شوې مقالې اړوند چې د دومره سرعت لرونکي انټرنېت په شتون کې به د يوې ثانيې دننه په زرګونه فلمونه ډاونلوډ يا راښکته کېدای شي.
دا په نړۍ کې د انټرنېټ تر ټولو زيات سرعت بلل شوی چې په لومړيو کې به يوازې اسټراليا او وروسته به د نړۍ نورو هېوادونو ته هم ورسيږي.
