روهي (جمعه/۲ د غبرګولي)، د امريکا متحدو ايالتو ولسمشر دونالډ ټرمپ ويلي دي چې دغه هېواد کې د کرونا ويروس له امله د قرباني شوي کسانو په پار د هېواد بيرغ درې ورځې نیم ځوړند کړ.
ټرمپ په ټوېټر ليکلي دي، "زه به د امريکا متحدو ايالتو بيرغ پر دولتي او ملي ودانيو نيم ځوړند کړم. دا به هغه امريکايانو ته دروناوی وي چې د کرونا ويروس له امله يې ژوند له لاسه ورکړی دی."
امريکا کې پر کرونا ويروس د ککړو کسانو شمېر له يو نيم مېلېون کسانو واوښت او همدا ډول تر اوسه له نوي زره ډېر کسان د دغه ويروس له امله مړه شوي دي.
