روهي (جمعه/۱۹ د غوايي)، تېر بيګاه د خوست ولايت په نادرشاه کوټ ولسوالۍ کې د افغان پوليسو پر يوې پوستې طالبانو بريد وکړ چې د امنيه قومندان سيد احمد بابازي په مشرۍ يې ملاتړي ځواکونه د خوست له مرکز د مرستې لپاره ورغلل.
هلته په سميه کې د امنيه قومندان په موټر د سړک غاړې ماين چاودنه وکړه چې په پايله کې يې امنيه قومندان سيد احمد بابازی، د نوموړي يو سکرتر او څو پوليس ووژل شول.
د طالبانو وياند ذبيح الله مجاهد پر ټوېټر ليکلي دي چې ياد بريد دوی کړی او د خوست امنيه قومندان د وژنې مسووليت يې په غاړه اخېستی دی.
