روهي (يوه نۍ/۲۴ د وري)، نن ورځ سل نور طالب بنديان هم د بګرام له زندان ازاد شول. دا له تېرې يوې اوونۍ دا درېيمه سله کسيزه ډله طالب بنديان دي چې د افغان ولسمشر د فرمان پر سنټ له بند ازاديږي.
افغان چارواکي وايي چې ياد زندانيان د دوی عمر، د بند مودې او روغتيايي وضعيت په کتو ازاد شوي دي. له دې وړاندې افغان حکومت دوه ځلې سل - سل طالب بنديان ازاد کړل.
طالبان بيا وايي، څرګنده نه ده چې خوشي بنديان ټول طالب زندانان دي او کنه. طالبان نيوکه کوي چې د بنديانو د خوشي کېدو بهير د دوی او امريکا ترمنځ د سولې شوې هوکړې اړوند نه دی.
