روهي (جمعه/۱۵ د وري)، د نه رسمي راپورونو پر اساس ويل کيږي چې افغان ولسمشر محمد اشرف غني پوځي جنرال ايوب سالنګی د سيمه ييزو ارګانونو مالي او اداري مرستيال ټاکلی. تر اوسه ولسمشرۍ ماڼۍ په دې اړه څه نه دي ويلي.
ولسمشر تېرې يوې اوونۍ د کابينې او ځيني دولتي ادارو لپاره نوي کسان په دندو ټاکلي دي. عبدالهادي ارغنديوال د مالي وزارت نوماند وزير، طاهر زهير د اطلاعاتو او فرهنګ نوماند وزير، داوود سلطان زوی کابل ښارول او شاکر کارګر د ولسمشر د دفتر رئيس هغه کسان دي چې په دې وروستيو ورځو کې رسماً اعلان شوي دي.
