روهي (يوه نۍ/۳ د وري)، د هېواد د عامې روغتيا وزير فيروز الدين فيروز رسنيو ته ويلي دي چې په هېواد کې د کرونا وژونکي ويروس د مثبتو پېښو شمېر لس ته ورسېد. نن ورځ د ثبت شوې شکمنو پېښو لس مثبتې ختلې دي.
د نوموړي د مالوماتو پر بنسټ په ثبت شوې پېښو کې دوه بهرني ډپلماټان هم شامل دي او د پارلمان دوه غړي د کرونا ویروس د شکمنو ناروغانو په ډله کې دي.
عامې روغتيا وزير ويلي دي چې په تېرو ۲۴ ساعتونو کې په ټول هېواد کې ۹۷ شکمنې پېښې ثبت شوې دي چې ډېری يې د هېواد په لوېدېځ هرات ولايت کې دي.
