روهي (يوه نۍ/۱۸ د کب)، افغان کرکټ ملي لوبډلې وکولی شول چې له ايرلنډ هېواد د کرېکټ شل اوريزه لوبه وګټي. دا پر له پسي دويمه لوبه ده چې افغانستان يې له ايرلنډ ګټي.
افغانستان د ۱۸۵ منډو هدف ايرلنډ ته کېښود؛ ايرلنډ تاکلی هدف پوره نه کړ او د شپږو لوبغاړو په سوځېدو يې ۱۶۳ منډې جوړې کړې چې په دې سره يې لوبه له لاسه ورکړه.
افغان لوبډله کې مجیب الرحمن د درې لوبغاړو په سوځولو سره د لوبې غوره لوبغاړی شو. همدا ډول رحمن الله ګربز ۳۵ منډې، حضرت الله ځاځي ۲۸، محمد نبي ۲۷، نجیب الله ځدراڼ ۱۶ او ګلبدین نائب ۱۳ منډې وکړې.
