روهي (درې نۍ/۱۳ د کب)، د هېواد پخوانی جمهور رئیس حامد کرزی په هېواد کې د جګړې د کمښت هفته چې د ټولو هېوادوالو له تاوده هرکلي سره مخ شوه د خلکو او هېواد لپاره ستر خیر بولي.
پخوانی ولسمشر په جګړه کې له ټولو ښکېلو خواوو غواړي چې د سولې د کوښښونو د ښه پرمختګ او کامیابي او د اعتماد د فضا د لا ټینګښت لپاره له جګړې او تشدد څخه لاس واخلي او له داسې اظهاراتو څخه چې د سولې هڅې زیانمنې کوي په کلکه ډډه وکړي.
حامد کرزي همدا ډول هیله څرګندوي چې د بین الافغاني مذاکراتو له لارې په هېواد کې د تل پاتې او سرتاسري سولې د ټینګښت لپاره عملي اقدامات ژر تر ژره پیل شي.
